ਅੱਜ ਸ਼ਾਮ ਤੋਂ ਦੇਸ਼ ਭਰ ‘ਚ ਚੋਣਾਂ ਦਾ ਪ੍ਰਚਾਰ ਰੁੱਕ ਜਾਵੇਗਾ, 1 ਜੂਨ ਨੂੰ ਹੋਵੇਗੀ ਆਖਰੀ ਪੜਾਅ ਦੀ ਵੋਟਿੰਗ

ਚੋਣਾਂ ਦਾ ਇਹ ਆਖਰੀ ਪੜਾਅ ਭਾਜਪਾ ਦੀ ਅਗਵਾਈ ਵਾਲੇ ਐਨਡੀਏ ਗਠਜੋੜ ਅਤੇ ਕਾਂਗਰਸ ਦੀ ਅਗਵਾਈ ਵਾਲੇ ਇੰਡੀ ਗਠਜੋੜ ਦੋਵਾਂ ਲਈ ਬਹੁਤ ਮਹੱਤਵਪੂਰਨ ਹੈ। 2019 ਵਿੱਚ, ਅੱਠ ਰਾਜਾਂ ਦੀਆਂ ਇਨ੍ਹਾਂ 57 ਸੀਟਾਂ ਵਿੱਚੋਂ, ਐਨਡੀਏ ਨੇ 32 ਸੀਟਾਂ ਜਿੱਤੀਆਂ ਸਨ, ਜਦੋਂ ਕਿ ਯੂਪੀਏ ਨੇ ਨੌਂ ਸੀਟਾਂ ਜਿੱਤੀਆਂ ਸਨ।

ਦੇਸ਼ ਵਿਚ ਇਸ ਸਮੇਂ ਚੋਣਾਂ ਦਾ ਮਾਹੌਲ ਬਣਿਆ ਹੋਇਆ ਹੈ ਅਤੇ ਸਾਰੀਆਂ ਹੀ ਰਾਜਨੀਤਿਕ ਪਾਰਟੀਆਂ ਜ਼ੋਰ ਸ਼ੋਰ ਨਾਲ ਪ੍ਰਚਾਰ ਕਰ ਰਹੀਆਂ ਹਨ। ਆਮ ਚੋਣਾਂ ਦੇ ਐਲਾਨ ਨਾਲ 16 ਮਾਰਚ ਤੋਂ ਦੇਸ਼ ਭਰ ਵਿੱਚ ਸ਼ੁਰੂ ਹੋਇਆ ਚੋਣ ਸ਼ੋਰ ਹੁਣ ਅੱਜ ਸ਼ਾਮ ਯਾਨੀ 30 ਮਈ ਨੂੰ ਸ਼ਾਮ 5 ਵਜੇ ਰੁਕ ਜਾਵੇਗਾ। ਇਸ ਨਾਲ ਲੋਕ ਸਭਾ ਚੋਣਾਂ ਦੇ ਆਖਰੀ ਪੜਾਅ ਦਾ ਪ੍ਰਚਾਰ ਵੀ ਖਤਮ ਹੋ ਜਾਵੇਗਾ। ਜਿਸ ਲਈ 1 ਜੂਨ ਨੂੰ ਵੋਟਿੰਗ ਹੋਣੀ ਹੈ। ਇਸ ਦੌਰਾਨ ਅੱਠ ਰਾਜਾਂ ਅਤੇ ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਦੀਆਂ 57 ਸੀਟਾਂ ਲਈ ਵੋਟਿੰਗ ਹੋਵੇਗੀ।

ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਵਾਰਾਣਸੀ ਸੀਟ ਵੀ ਉਨ੍ਹਾਂ ਪ੍ਰਮੁੱਖ ਸੀਟਾਂ ‘ਚ ਸ਼ਾਮਲ ਹੈ ਜਿੱਥੇ ਚੋਣਾਂ ਦੇ ਇਸ ਆਖਰੀ ਪੜਾਅ ‘ਚ ਵੋਟਿੰਗ ਹੋ ਰਹੀ ਹੈ। ਇਸ ਦੇ ਨਾਲ ਹੀ ਪੱਛਮੀ ਬੰਗਾਲ ਦੀ ਡਾਇਮੰਡ ਹਾਰਬਰ ਸੀਟ, ਜਿੱਥੋਂ ਮਮਤਾ ਬੈਨਰਜੀ ਦੇ ਭਤੀਜੇ ਅਭਿਸ਼ੇਕ ਬੈਨਰਜੀ ਚੋਣ ਲੜ ਰਹੇ ਹਨ ਅਤੇ ਬਿਹਾਰ ਦੀ ਪਾਟਲੀਪੁਤਰ ਸੀਟ, ਜਿੱਥੋਂ ਲਾਲੂ ਪ੍ਰਸਾਦ ਯਾਦਵ ਦੀ ਬੇਟੀ ਮੀਸਾ ਭਾਰਤੀ ਚੋਣ ਲੜ ਰਹੀ ਹੈ। ਇਸ ਦੌਰਾਨ ਸੱਤਵੇਂ ਅਤੇ ਆਖ਼ਰੀ ਪੜਾਅ ਦੇ ਚੋਣ ਪ੍ਰਚਾਰ ਲਈ ਬਾਕੀ ਰਹਿੰਦੇ ਘੰਟਿਆਂ ਵਿੱਚ ਸਿਆਸੀ ਪਾਰਟੀਆਂ ਨੇ ਚੋਣ ਪ੍ਰਚਾਰ ਲਈ ਆਪਣੀ ਪੂਰੀ ਤਾਕਤ ਲਗਾ ਦਿੱਤੀ ਹੈ। ਭਾਜਪਾ ਅਤੇ ਕਾਂਗਰਸ ਪਾਰਟੀਆਂ ਨੇ ਆਪਣੇ ਸਾਰੇ ਸਟਾਰ ਪ੍ਰਚਾਰਕਾਂ ਨੂੰ ਮੈਦਾਨ ਵਿੱਚ ਉਤਾਰਿਆ ਹੈ।

ਚੋਣਾਂ ਦਾ ਇਹ ਆਖਰੀ ਪੜਾਅ ਭਾਜਪਾ ਦੀ ਅਗਵਾਈ ਵਾਲੇ ਐਨਡੀਏ ਗਠਜੋੜ ਅਤੇ ਕਾਂਗਰਸ ਦੀ ਅਗਵਾਈ ਵਾਲੇ ਇੰਡੀ ਗਠਜੋੜ ਦੋਵਾਂ ਲਈ ਬਹੁਤ ਮਹੱਤਵਪੂਰਨ ਹੈ। 2019 ਵਿੱਚ, ਅੱਠ ਰਾਜਾਂ ਦੀਆਂ ਇਨ੍ਹਾਂ 57 ਸੀਟਾਂ ਵਿੱਚੋਂ, ਐਨਡੀਏ ਨੇ 32 ਸੀਟਾਂ ਜਿੱਤੀਆਂ ਸਨ, ਜਦੋਂ ਕਿ ਯੂਪੀਏ ਨੇ ਨੌਂ ਸੀਟਾਂ ਜਿੱਤੀਆਂ ਸਨ। ਬਾਕੀ ਪਾਰਟੀਆਂ ਨੇ ਬਾਕੀ ਸੀਟਾਂ ਜਿੱਤੀਆਂ ਸਨ। ਫਿਲਹਾਲ ਦੋਵੇਂ ਗਠਜੋੜ ਇਸ ਵਾਰ ਆਪਣੀ ਜਿੱਤ ਦੇ ਅੰਕੜੇ ਵਧਾਉਣ ਦੇ ਯਤਨ ਕਰ ਰਹੇ ਹਨ।