24 ਸਾਲ ਦੀ ਕਾਮਾਕਸ਼ੀ ਸ਼ਰਮਾ ਨੇ 7000 ਸਾਈਬਰ-ਕ੍ਰਾਈਮ ਕੇਸ ਕੀਤੇ ਹੱਲ, ਆਨਲਾਈਨ ਧੋਖਾਧੜੀ ਨੂੰ ਰੋਕਣ ਲਈ ਗੂਗਲ ਦੀ ਨੌਕਰੀ ਠੁਕਰਾ ਦਿੱਤੀ

24 ਸਾਲ ਦੀ ਉਮਰ ‘ਚ ਕਾਮਾਕਸ਼ੀ ਨੇ ਸਾਈਬਰ ਕ੍ਰਾਈਮ ਦੇ 7000 ਤੋਂ ਜ਼ਿਆਦਾ ਮਾਮਲਿਆਂ ਨੂੰ ਹੱਲ ਕੀਤਾ ਹੈ। ਹੈਕਰਾਂ ਨੂੰ ਆਨਲਾਈਨ ਫੜਨ ਲਈ 50 ਹਜ਼ਾਰ ਪੁਲਿਸ ਵਾਲਿਆਂ ਨੂੰ ਉਸ ਵਲੋਂ ਸਿਖਲਾਈ ਦਿੱਤੀ ਗਈ ਹੈ। ਇਸ ਲਈ ਯੂਪੀ ਪੁਲਿਸ ਉਸਨੂੰ ‘ਜੀਨਿਅਸ ਗਰਲ’ ਕਹਿੰਦੀ ਹੈ।

ਗਾਜ਼ੀਆਬਾਦ ਦੀ ਕਾਮਾਕਸ਼ੀ ਸ਼ਰਮਾ ਲੈਪਟਾਪ ਵੱਲ ਦੇਖਦੇ ਹੋਏ ਉਂਗਲਾਂ ਦੋੜਾਂਦੀ ਹੈ, ਅੱਖਾਂ ਸਕਰੀਨ ‘ਤੇ ਤੇਜ਼ੀ ਨਾਲ ਉੱਪਰ-ਹੇਂਠਾ ਕਰਦੀ ਹੈ ਅਤੇ ਉਸਦਾ ਦਿਮਾਗ ਤੂਫ਼ਾਨ ਵਾਂਗ ਤੇਜ਼ੀ ਨਾਲ ਚਲਦਾ ਹੈ। ਇਹ ਕੁੜੀ ਵੱਡੇ ਤੋਂ ਵੱਡੇ ਕੋਡਵਰਡਸ ਨੂੰ ਅਨਲਾਕ ਕਰ ਸਕਦੀ ਹੈ। ਸਿਰਫ 24 ਸਾਲ ਦੀ ਉਮਰ ‘ਚ ਕਾਮਾਕਸ਼ੀ ਨੇ ਸਾਈਬਰ ਕ੍ਰਾਈਮ ਦੇ 7000 ਤੋਂ ਜ਼ਿਆਦਾ ਮਾਮਲਿਆਂ ਨੂੰ ਹੱਲ ਕੀਤਾ ਹੈ।

ਹੈਕਰਾਂ ਨੂੰ ਆਨਲਾਈਨ ਫੜਨ ਲਈ 50 ਹਜ਼ਾਰ ਪੁਲਿਸ ਵਾਲਿਆਂ ਉਸ ਵਲੋਂ ਸਿਖਲਾਈ ਦਿੱਤੀ ਗਈ ਹੈ। ਇਸ ਲਈ ਯੂਪੀ ਪੁਲਿਸ ਉਸਨੂੰ ‘ਜੀਨਿਅਸ ਗਰਲ’ ਕਹਿੰਦੀ ਹੈ। ਇੰਨੀ ਛੋਟੀ ਉਮਰ ਵਿੱਚ ਕਾਮਾਕਸ਼ੀ ਨੇ ਅਜਿਹੇ ਔਖੇ ਕੇਸ ਹੱਲ ਕੀਤੇ ਜੋ ਪੁਲਿਸ ਲਈ ਸਿਰਦਰਦੀ ਬਣੇ ਹੋਏ ਸਨ। ਇਸ ਚੁਸਤੀ ਲਈ ਉਸ ਨੂੰ ਲੰਡਨ ਬੁੱਕ ਆਫ ਅਵਾਰਡ ਅਤੇ ਏਸ਼ੀਆ ਬੁੱਕ ਆਫ ਰਿਕਾਰਡਸ ਵਰਗੇ ਵੱਡੇ ਸਨਮਾਨ ਮਿਲ ਚੁੱਕੇ ਹਨ।

ਇਹ ਪੁਰਸਕਾਰ ਕਾਮਾਕਸ਼ੀ ਦੀ ਮਿਹਨਤ, ਉਸਦੀ ਲਗਨ ਅਤੇ ਹਾਰ ਨਾ ਮੰਨਣ ਦੀ ਆਦਤ ਦਾ ਸਬੂਤ ਹਨ, ਜਿਸ ਕਾਰਨ ਅੱਜ ਸੈਂਕੜੇ ਪਰਿਵਾਰ ਬਰਬਾਦੀ ਤੋਂ ਬਚੇ ਹਨ। ਜਿਨ੍ਹਾਂ ਲੋਕਾਂ ਨੂੰ ਕਾਮਾਕਸ਼ੀ ਨੇ ਹੈਕਰਾਂ ਦੇ ਚੁੰਗਲ ਤੋਂ ਬਚਾਇਆ, ਉਹ ਅੱਜ ਵੀ ਉਨ੍ਹਾਂ ਨੂੰ ਕਿਸੇ ਦੇਵੀ ਤੋਂ ਘੱਟ ਨਹੀਂ ਮੰਨਦੇ ਹਨ। ਗਾਜ਼ੀਆਬਾਦ, ਯੂਪੀ ਦੇ ਇੱਕ ਮੱਧਵਰਗੀ ਪਰਿਵਾਰ ਤੋਂ ਆਉਣ ਵਾਲੀ ਕਾਮਾਕਸ਼ੀ ਬਚਪਨ ਵਿੱਚ ਹੀ ਇੰਜੀਨੀਅਰ ਬਣਨਾ ਚਾਹੁੰਦੀ ਸੀ।

ਪਰ ਕਾਲਜ ਦੇ ਦਿਨਾਂ ਦੌਰਾਨ ਉਸਦੀ ਇੱਕ ਆਦਤ ਬਾਅਦ ਵਿੱਚ ਉਸਦਾ ਕਰੀਅਰ ਬਣ ਗਈ। ਸ਼ੁਰੂਆਤੀ ਦਿਨਾਂ ‘ਚ ਕਾਮਾਕਸ਼ੀ ਖੁਦ ਥਾਣਿਆਂ ‘ਚ ਜਾ ਕੇ ਅਧਿਕਾਰੀਆਂ ਨੂੰ ਮਦਦ ਦੀ ਪੇਸ਼ਕਸ਼ ਕਰਦੀ ਸੀ। ਹਾਲਾਂਕਿ, ਸ਼ੁਰੂਆਤ ਵਿੱਚ ਉਹ ਨਿਰਾਸ਼ ਹੁੰਦੀ ਸੀ, ਕਿਉਂਕਿ ਪੁਲਿਸ ਕਿਸੇ ‘ਤੇ ਭਰੋਸਾ ਕਿਉਂ ਕਰੇਗੀ। ਪਰ ਇੱਕ ਦਿਨ ਉਸਦੀ ਮਿਹਨਤ ਦਾ ਫਲ ਉਦੋਂ ਮਿਲਿਆ ਜਦੋਂ ਸਿਹਾਨੀ ਗੇਟ ਕੋਤਵਾਲੀ, ਗਾਜ਼ੀਆਬਾਦ ਦੇ ਇੰਸਪੈਕਟਰ ਵਿਨੋਦ ਪਾਂਡੇ ਨੇ ਇੱਕ ਅਗਵਾ ਮਾਮਲੇ ਵਿੱਚ ਕਾਮਾਕਸ਼ੀ ਦੀ ਮਦਦ ਮੰਗੀ।

ਕਾਮਾਕਸ਼ੀ ਇਸ ਮਾਮਲੇ ਬਾਰੇ ਦੱਸਦੀ ਹੈ, “ਅਗਵਾਕਾਰਾਂ ਨੇ ਐਚਸੀਐਲ ਕੰਪਨੀ ਦੇ ਇੱਕ ਕਰਮਚਾਰੀ ਨੂੰ ਅਗਵਾ ਕਰ ਲਿਆ ਸੀ। ਪਰ ਪੁਲਿਸ ਉਨ੍ਹਾਂ ਨੂੰ ਟਰੇਸ ਨਹੀਂ ਕਰ ਸਕੀ, ਕਿਉਂਕਿ ਅਗਵਾਕਾਰ ਲਗਾਤਾਰ ਵਟਸਐਪ ਕਾਲਾਂ ‘ਤੇ ਪੈਸੇ ਮੰਗ ਰਹੇ ਸਨ। ਉਸ ਸਮੇਂ ਵਟਸਐਪ ਕਾਲਾਂ ਨੂੰ ਟਰੇਸ ਕਰਨਾ ਕੋਈ ਮਾਮੂਲੀ ਗੱਲ ਨਹੀਂ ਸੀ। ਪਰ ਆਪਣੇ ਹੈਕਿੰਗ ਹੁਨਰ ਨਾਲ, ਮੈਂ ਨਾ ਸਿਰਫ ਉਨ੍ਹਾਂ ਅਗਵਾਕਾਰਾਂ ਦੀ ਲੋਕੇਸ਼ਨ ਨੂੰ ਟ੍ਰੈਕ ਕੀਤਾ ਬਲਕਿ ਪੁਲਿਸ ਨੂੰ ਇਹ ਵੀ ਦੱਸਿਆ ਕਿ ਕਾਲਾਂ ਕਿਨ੍ਹਾਂ ਥਾਵਾਂ ਤੋਂ ਕੀਤੀਆਂ ਗਈਆਂ ਸਨ। ਪੁਲਿਸ ਵਾਲੇ ਮੇਰੀ ਕਾਬਲੀਅਤ ਦੇਖ ਕੇ ਦੰਗ ਰਹਿ ਗਏ। ਦੋਸ਼ੀ ਫੜੇ ਗਏ ਅਤੇ ਕਰਮਚਾਰੀ ਨੂੰ ਬਚਾਇਆ ਗਿਆ । ਕਾਮਾਕਸ਼ੀ ਦੇ ਨਾਂ ਇਕ ਅਨੋਖਾ ਰਿਕਾਰਡ ਹੈ। ਉਨ੍ਹਾਂ ਨੇ ਸਿਰਫ 35 ਦਿਨਾਂ ‘ਚ 50 ਹਜ਼ਾਰ ਪੁਲਸ ਕਰਮਚਾਰੀਆਂ ਅਤੇ ਫੌਜ ਦੇ ਜਵਾਨਾਂ ਨੂੰ ਸਾਈਬਰ ਸੁਰੱਖਿਆ ਦੀ ਸਿਖਲਾਈ ਦਿੱਤੀ ਹੈ। ਉਹ ਕੋਡਿੰਗ, ਫਰਜ਼ੀ ਆਈਡੀ ਹੈਕਿੰਗ, ਪੁਲਿਸ ਅਤੇ ਫੌਜ ਦੇ ਕਰਮਚਾਰੀਆਂ ਨੂੰ ਇੰਟਰਨੈੱਟ ਧੋਖਾਧੜੀ ਵਰਗੀਆਂ ਤਕਨੀਕਾਂ ਸਿਖਾ ਰਹੀ ਹੈ।