ਪਟਿਆਲਾ : ਮਹਾਭਾਰਤ ਦੇ ‘ਧ੍ਰਿਤਰਾਸ਼ਟਰ’ ਦੀ ਕਾਰ ਦੇ ਸ਼ੀਸ਼ੇ ਤੋੜ ਕੇ ਲੱਖਾਂ ਦਾ ਕੀਮਤੀ ਸਾਮਾਨ ਚੋਰੀ, ਪੁਲਿਸ ਨੇ ਕੀਤੀ ਜਾਂਚ ਸ਼ੁਰੂ

ਗਿਰਿਜਾ ਸ਼ੰਕਰ ਵਿਆਸ ਜਦੋਂ ਕੁਝ ਮਿੰਟਾਂ ਬਾਅਦ ਵਾਪਸ ਆਇਆ ਤਾਂ ਦੇਖਿਆ ਕਿ ਕਾਰ ਦਾ ਸ਼ੀਸ਼ਾ ਟੁੱਟਿਆ ਹੋਇਆ ਸੀ। ਕਾਰ ਦੇ ਅੰਦਰ ਰੱਖਿਆ ਸਮਾਨ ਗਾਇਬ ਪਾਇਆ ਗਿਆ। ਦੱਸਿਆ ਜਾ ਰਿਹਾ ਹੈ ਕਿ ਲੈਪਟਾਪ, ਮੋਬਾਈਲ ਤੋਂ ਇਲਾਵਾ ਕਾਰ ਵਿੱਚ ਰੱਖੇ ਦਸਤਾਵੇਜ਼, ਡਾਲਰ ਅਤੇ ਹੋਰ ਨਕਦੀ ਗਾਇਬ ਸੀ।

ਗਿਰਿਜਾ ਸ਼ੰਕਰ ਵਿਆਸ ਨੇ ਮਹਾਭਾਰਤ ‘ਚ ਧ੍ਰਿਤਰਾਸ਼ਟਰ ਦਾ ਕਿਰਦਾਰ ਨਿਭਾ ਕੇ ਉਸਨੂੰ ਅਮਰ ਕਰ ਦਿਤਾ ਸੀ। ਸ਼ੁੱਕਰਵਾਰ ਦੇਰ ਸ਼ਾਮ ਪੁਲਿਸ ਪ੍ਰਸ਼ਾਸਨ ‘ਚ ਉਸ ਸਮੇਂ ਹਫੜਾ-ਦਫੜੀ ਮਚ ਗਈ, ਜਦੋਂ ਮਹਾਭਾਰਤ ‘ਚ ਧ੍ਰਿਤਰਾਸ਼ਟਰ ਦਾ ਕਿਰਦਾਰ ਨਿਭਾਉਣ ਵਾਲੇ ਅਦਾਕਾਰ ਗਿਰਿਜਾ ਸ਼ੰਕਰ ਵਿਆਸ ਦੀ ਕਾਰ ਦੇ ਸ਼ੀਸ਼ੇ ਤੋੜ ਕੇ ਲੱਖਾਂ ਰੁਪਏ ਦਾ ਕੀਮਤੀ ਸਾਮਾਨ ਅਤੇ ਨਕਦੀ ਚੋਰੀ ਕਰ ਲਈ ਗਈ।

ਦੱਸਿਆ ਜਾਂਦਾ ਹੈ ਕਿ ਸ਼ਾਮ ਸਮੇਂ ਗਿਰੀਜਾ ਸ਼ੰਕਰ ਵਿਆਸ ਕਾਰ ‘ਚ ਸਵਾਰ ਹੋ ਕੇ ਕੁਝ ਮਿੰਟਾਂ ਲਈ ਬੀਕਾਨੇਰ ਸਵੀਟਸ ਨੇੜੇ ਪਹੁੰਚੇ ਸਨ। ਉਪਰੋਕਤ ਸੂਚਨਾ ਮਿਲਣ ਤੋਂ ਬਾਅਦ ਪੁਲਿਸ ਨੇ ਚੋਰਾਂ ਦੀ ਭਾਲ ਸ਼ੁਰੂ ਕਰ ਦਿੱਤੀ ਹੈ। ਪਰ ਖ਼ਬਰ ਲਿਖੇ ਜਾਣ ਤੱਕ ਚੋਰੀ ਹੋਈ ਕੁੱਲ ਰਕਮ ਬਾਰੇ ਕੋਈ ਜਾਣਕਾਰੀ ਨਹੀਂ ਮਿਲ ਸਕੀ ਸੀ।

ਜਾਣਕਾਰੀ ਮੁਤਾਬਕ ਮਹਾਭਾਰਤ ‘ਚ ਧ੍ਰਿਤਰਾਸ਼ਟਰ ਦਾ ਕਿਰਦਾਰ ਨਿਭਾਉਣ ਵਾਲੀ ਗਿਰੀਜਾ ਸ਼ੰਕਰ ਵਿਆਸ ਬੀਕਾਨੇਰ ਸਵੀਟਸ ਨੇੜੇ ਕੁਝ ਸਾਮਾਨ ਖਰੀਦਣ ਲਈ ਪਹੁੰਚੇ ਸਨ। ਪਰ ਜਦੋਂ ਉਹ ਕੁਝ ਮਿੰਟਾਂ ਵਿਚ ਵਾਪਸ ਆਇਆ ਤਾਂ ਦੇਖਿਆ ਕਿ ਕਾਰ ਦਾ ਸ਼ੀਸ਼ਾ ਟੁੱਟਿਆ ਹੋਇਆ ਸੀ। ਕਾਰ ਦੇ ਅੰਦਰ ਰੱਖਿਆ ਸਮਾਨ ਗਾਇਬ ਪਾਇਆ ਗਿਆ। ਦੱਸਿਆ ਜਾ ਰਿਹਾ ਹੈ ਕਿ ਲੈਪਟਾਪ, ਮੋਬਾਈਲ ਤੋਂ ਇਲਾਵਾ ਕਾਰ ਵਿੱਚ ਰੱਖੇ ਦਸਤਾਵੇਜ਼, ਡਾਲਰ ਅਤੇ ਹੋਰ ਨਕਦੀ ਗਾਇਬ ਸੀ।

ਦੱਸਿਆ ਜਾ ਰਿਹਾ ਹੈ ਕਿ ਚੋਰੀ ਦੀ ਘਟਨਾ ਸੀਸੀਟੀਵੀ ਕੈਮਰੇ ਵਿੱਚ ਵੀ ਕੈਦ ਹੋ ਗਈ ਹੈ। ਜਿਸ ਕਲਾਕਾਰ ਦੀ ਚੋਰੀ ਹੋਈ ਹੈ, ਉਹ ਜਾਣਿਆ-ਪਛਾਣਿਆ ਨਾਮ ਹੈ, ਜਿਸ ਕਾਰਨ ਜਿਵੇਂ ਹੀ ਪੁਲਿਸ ਨੂੰ ਚੋਰੀ ਦੀ ਖ਼ਬਰ ਮਿਲੀ ਤਾਂ ਹੜਕੰਪ ਮੱਚ ਗਿਆ। ਜਿਸ ਕਾਰਨ ਰਾਜਪੁਰਾ ਦੇ ਡੀਐਸਪੀ ਸੁਰਿੰਦਰ ਮੋਹਨ ਸ਼ਰਮਾ ਤੋਂ ਇਲਾਵਾ ਹੋਰ ਪੁਲਿਸ ਅਧਿਕਾਰੀਆਂ ਨੇ ਮੌਕੇ ’ਤੇ ਪਹੁੰਚ ਕੇ ਮੁਆਇਨਾ ਕਰਨ ਉਪਰੰਤ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ। ਪੁਲਿਸ ਦਾ ਦਾਅਵਾ ਹੈ ਕਿ ਮੁਲਜ਼ਮਾਂ ਨੂੰ ਜਲਦੀ ਹੀ ਕਾਬੂ ਕਰ ਲਿਆ ਜਾਵੇਗਾ।