ਨੀਰਜ ਚੋਪੜਾ ਨੇ ਨੈਸ਼ਨਲ ਅਥਲੈਟਿਕਸ ਫੈਡਰੇਸ਼ਨ ਕੱਪ ਵਿੱਚ 82.27 ਮੀਟਰ ਥਰੋਅ ਕਰਕੇ ਗੋਲਡ ਮੈਡਲ ਜਿੱਤਿਆ ਅਤੇ ਪਹਿਲਾ ਸਥਾਨ ਹਾਸਲ ਕੀਤਾ

ਟੋਕੀਓ ਓਲੰਪਿਕ ‘ਚ ਸੋਨ ਤਮਗਾ ਜਿੱਤਣ ਤੋਂ ਬਾਅਦ ਪਹਿਲੀ ਵਾਰ ਘਰੇਲੂ ਮੁਕਾਬਲੇ ‘ਚ ਹਿੱਸਾ ਲੈ ਰਹੇ ਚੋਪੜਾ ਨੇ ਚੌਥੀ ਕੋਸ਼ਿਸ਼ ‘ਚ 82.27 ਮੀਟਰ ਨਾਲ ਲੀਡ ਹਾਸਲ ਕੀਤੀ।

ਨੀਰਜ ਚੋਪੜਾ ਦਾ ਇਕ ਤੋਂ ਬਾਅਦ ਇਕ ਗੋਲਡ ਮੈਡਲ ਜਿਤਨਾ ਜਾਰੀ ਹੈ। ਨੀਰਜ ਚੋਪੜਾ ਨੇ ਨੈਸ਼ਨਲ ਅਥਲੈਟਿਕਸ ਫੈਡਰੇਸ਼ਨ ਕੱਪ ‘ਚ ਸੋਨ ਤਮਗਾ ਜਿੱਤਿਆ ਹੈ। ਟੋਕੀਓ ਓਲੰਪਿਕ 2020 ‘ਚ ਸੋਨ ਤਮਗਾ ਜਿੱਤਣ ਤੋਂ ਬਾਅਦ ਨੀਰਜ ਪਹਿਲੀ ਵਾਰ ਭਾਰਤ ‘ਚ ਕਿਸੇ ਮੁਕਾਬਲੇ ‘ਚ ਹਿੱਸਾ ਲੈ ਰਿਹਾ ਸੀ। ਉਸ ਨੇ ਆਪਣੀ ਚੌਥੀ ਕੋਸ਼ਿਸ਼ ਵਿੱਚ 82.27 ਮੀਟਰ ਦੀ ਥਰੋਅ ਕੀਤੀ, ਇਸ ਥਰੋਅ ਨਾਲ ਉਹ ਪਹਿਲੇ ਸਥਾਨ ’ਤੇ ਰਿਹਾ ਅਤੇ ਸੋਨ ਤਗ਼ਮਾ ਜਿੱਤਿਆ। ਨੀਰਜ ਭੁਵਨੇਸ਼ਵਰ ‘ਚ ਹੋਏ ਕੱਪ ‘ਚ ਹਰਿਆਣਾ ਲਈ ਖੇਡ ਰਿਹਾ ਸੀ।

#WATCH | Bhubaneswar, Odisha | Ace javelin thrower Neeraj Chopra wins gold in men's javelin throw at Federation Cup 2024 with a throw of 82.27m

(Visuals from the Federation Cup 2024 in Bhubaneswar) pic.twitter.com/92MeuCCyD7

— ANI (@ANI) May 15, 2024

ਮੁਕਾਬਲੇ ਵਿੱਚ ਕਰਨਾਟਕ ਦੇ ਡੀਪੀ ਮਨੂ ਨੇ ਚਾਂਦੀ ਦਾ ਤਗ਼ਮਾ ਜਿੱਤਿਆ, ਜਦੋਂ ਕਿ ਮਹਾਰਾਸ਼ਟਰ ਦੇ ਉੱਤਮ ਬਾਲਾਸਾਹਿਬ ਪਾਟਿਲ ਤੀਜੇ ਸਥਾਨ ’ਤੇ ਰਹੇ। ਮਨੂ ਦਾ ਸਰਵੋਤਮ ਥਰੋਅ 82.06 ਮੀਟਰ ਅਤੇ ਪਾਟਿਲ ਦਾ ਸਰਵੋਤਮ ਥਰੋਅ 78.39 ਮੀਟਰ ਰਿਹਾ। ਏਸ਼ਿਆਈ ਖੇਡਾਂ ਦਾ ਚਾਂਦੀ ਦਾ ਤਗ਼ਮਾ ਜੇਤੂ ਕਿਸ਼ੋਰ ਜੇਨਾ ਆਪਣੇ ਘਰੇਲੂ ਮੈਦਾਨ ’ਤੇ ਕੋਈ ਤਗ਼ਮਾ ਨਹੀਂ ਜਿੱਤ ਸਕਿਆ। ਉਹ ਪੰਜਵੇਂ ਸਥਾਨ ‘ਤੇ ਰਿਹਾ, ਉਸ ਦਾ ਸਰਵੋਤਮ ਥਰੋਅ 75.49 ਮੀਟਰ ਸੀ। ਹਾਲਾਂਕਿ ਉਸ ਨੇ ਪੈਰਿਸ ਓਲੰਪਿਕ ਲਈ ਕੁਆਲੀਫਾਈ ਕਰ ਲਿਆ ਹੈ। ਉਸ ਨੇ ਏਸ਼ਿਆਈ ਖੇਡਾਂ ਵਿੱਚ ਚਾਂਦੀ ਦਾ ਤਗ਼ਮਾ ਜਿੱਤਣ ਲਈ 87.54 ਮੀਟਰ ਦਾ ਲੰਬਾ ਥਰੋਅ ਸੁੱਟਿਆ ਸੀ, ਜੋ ਓਲੰਪਿਕ ਲਈ ਕੁਆਲੀਫਾਈ ਕਰਨ ਲਈ ਕਾਫ਼ੀ ਸੀ।

ਟੋਕੀਓ ਓਲੰਪਿਕ ‘ਚ ਸੋਨ ਤਮਗਾ ਜਿੱਤਣ ਤੋਂ ਬਾਅਦ ਪਹਿਲੀ ਵਾਰ ਘਰੇਲੂ ਮੁਕਾਬਲੇ ‘ਚ ਹਿੱਸਾ ਲੈ ਰਹੇ ਚੋਪੜਾ ਨੇ ਚੌਥੀ ਕੋਸ਼ਿਸ਼ ‘ਚ 82.27 ਮੀਟਰ ਨਾਲ ਲੀਡ ਹਾਸਲ ਕੀਤੀ। ਚੋਪੜਾ ਨੇ ਆਪਣੀਆਂ ਆਖਰੀ ਦੋ ਕੋਸ਼ਿਸ਼ਾਂ (ਪੰਜਵੇਂ ਅਤੇ ਛੇਵੇਂ) ਵਿੱਚ ਗੇਂਦਬਾਜ਼ੀ ਥਰੋਅ ਕੀਤੀ ਕਿਉਂਕਿ ਚਾਂਦੀ ਦਾ ਤਗ਼ਮਾ ਜੇਤੂ ਡੀਪੀ ਮਨੂ ਨੇ ਪਹਿਲਾਂ ਹੀ ਆਪਣਾ ਆਖਰੀ ਥਰੋਅ ਸੁੱਟ ਦਿੱਤਾ ਸੀ।