‘ਟਿਪ ਟਿਪ ਬਰਸਾ ਪਾਣੀ’ ਦੀ ਸ਼ੂਟਿੰਗ ਤੋਂ ਬਾਅਦ ਮੈਨੂੰ ਲਗਵਾਉਣਾ ਪਿਆ ਸੀ ਟੈਟਨਸ ਦਾ ਟੀਕਾ : ਰਵੀਨਾ ਟੰਡਨ

ਰਵੀਨਾ ਟੰਡਨ ਨੇ ਕਿਹਾ ਲੋਕ ਸਕ੍ਰੀਨ ‘ਤੇ ਜੋ ਗਲੈਮਰ ਦੇਖਦੇ ਹਨ, ਉਹ ਪਰਦੇ ਦੇ ਪਿੱਛੇ ਅਣਕਹੀ ਕਹਾਣੀਆਂ ਨੂੰ ਛੁਪਾਉਂਦਾ ਹੈ। ਰਿਹਰਸਲਾਂ ਦੌਰਾਨ ਸੱਟਾਂ ਆਮ ਹਨ, ਫਿਰ ਵੀ ਅਸੀਂ ਸਾਰੇ ਉਨ੍ਹਾਂ ਨੂੰ ਸਹਿੰਦੇ ਹਾਂ। ਰਵੀਨਾ ਨੇ ਕਿਹਾ ਇਹ ਉਹ ਸੰਘਰਸ਼ ਹਨ, ਜੋ ਸਾਰੇ ਅਦਾਕਾਰ ਅਤੇ ਕੋਰੀਓਗ੍ਰਾਫਰ ਪਰਦੇ ਦੇ ਪਿੱਛੇ ਝੱਲਦੇ ਹਨ।

ਰਵੀਨਾ ਟੰਡਨ ਅਤੇ ਅਕਸ਼ੇ ਕੁਮਾਰ ਦੀ ਜੋੜੀ ਨੂੰ ਲੋਕਾਂ ਵਲੋਂ ਬਹੁਤ ਪਸੰਦ ਕੀਤਾ ਜਾਂਦਾ ਸੀ ਅਤੇ ਦੋਂਵੇ ਦੇ ਪਿਆਰ ਦੇ ਕਿੱਸੇ ਵੀ ਬਹੁਤ ਮਸ਼ਹੂਰ ਹਨ। 90 ਦੇ ਦਹਾਕੇ ਦੀ ਮਸ਼ਹੂਰ ਅਦਾਕਾਰਾ ਰਵੀਨਾ ਟੰਡਨ ਨੇ ਕਈ ਹਿੱਟ ਫਿਲਮਾਂ ਦਿੱਤੀਆਂ ਹਨ। ਹੁਣ 48 ਸਾਲਾ ਅਦਾਕਾਰਾ ਨੇ ਉਸ ਗੀਤ ਬਾਰੇ ਖੁਲਾਸਾ ਕੀਤਾ ਹੈ, ਜੋ ਅੱਜ ਵੀ ਹਿੱਟ ਹੈ।

ਅਸੀਂ ਗੱਲ ਕਰ ਰਹੇ ਹਾਂ ‘ਟਿਪ ਟਿਪ ਬਰਸਾ ਪਾਣੀ’ ਗੀਤ ਦੀ। 29 ਸਾਲ ਪਹਿਲਾਂ ਰਿਲੀਜ਼ ਹੋਈ ਫਿਲਮ ‘ਮੋਹਰਾ’ ਦਾ ਗੀਤ, ਜਿਸ ‘ਚ ਰਵੀਨਾ ਨੇ ਅਕਸ਼ੈ ਕੁਮਾਰ ਨਾਲ ਸ਼ਾਨਦਾਰ ‘ਰੋਮਾਂਸ’ ਕੀਤਾ ਸੀ। ਅਦਾਕਾਰਾ ਨੇ ਦੱਸਿਆ ਹੈ ਕਿ ਗੀਤ ਦੀ ਸ਼ੂਟਿੰਗ ਤੋਂ ਬਾਅਦ ਉਸਨੂੰ ਟੈਟਨਸ ਦਾ ਟੀਕਾ ਲਗਵਾਉਣਾ ਪਿਆ ਅਤੇ ਫਿਰ ਵੀ ਉਹ ਬੀਮਾਰ ਹੋ ਗਈ ਸੀ।

ਸ਼ੋਅ ‘ਚ ਇਕ ਪ੍ਰਤੀਯੋਗੀ ਨੇ ‘ਟਿਪ ਟਿਪ ਬਰਸਾ ਪਾਣੀ’ ‘ਤੇ ਪਰਫਾਰਮ ਕੀਤਾ। ਇਸ ਤੋਂ ਬਾਅਦ ਰਵੀਨਾ ਟੰਡਨ ਨੇ ਨੰਗੇ ਪੈਰਾਂ ਅਤੇ ਗੋਡਿਆਂ ‘ਤੇ ਪੈਡ ਪਾ ਕੇ ਗੀਤ ਦੀ ਸ਼ੂਟਿੰਗ ਕਰਨ ਦੀ ਘਟਨਾ ਨੂੰ ਯਾਦ ਕੀਤਾ। ਰਵੀਨਾ ਨੇ ਕਿਹਾ, ‘ਮੈਨੂੰ ਟੈਟਨਸ ਦਾ ਟੀਕਾ ਲਗਾਉਣਾ ਪਿਆ ਅਤੇ ਦੋ ਦਿਨ ਬਾਅਦ ਮੈਂ ਮੀਂਹ ਕਾਰਨ ਬਿਮਾਰ ਹੋ ਗਈ ਸੀ।

ਰਵੀਨਾ ਟੰਡਨ ਨੇ ਕਿਹਾ ਤੁਸੀਂ ਸਕ੍ਰੀਨ ‘ਤੇ ਜੋ ਗਲੈਮਰ ਦੇਖਦੇ ਹੋ, ਉਹ ਪਰਦੇ ਦੇ ਪਿੱਛੇ ਅਣਕਹੀ ਕਹਾਣੀਆਂ ਨੂੰ ਛੁਪਾਉਂਦਾ ਹੈ। ਰਿਹਰਸਲਾਂ ਦੌਰਾਨ ਸੱਟਾਂ ਆਮ ਹਨ, ਫਿਰ ਵੀ ਅਸੀਂ ਸਾਰੇ ਉਨ੍ਹਾਂ ਨੂੰ ਸਹਿੰਦੇ ਹਾਂ। ਪਰ ਸ਼ੋਅ ਚੱਲਣਾ ਚਾਹੀਦਾ ਹੈ, ਚਾਹੇ ਸਕ੍ਰੀਨ ਜਾਂ ਸਟੇਜ ‘ਤੇ, ਕਿਸੇ ਦੇ ਹਾਵ-ਭਾਵ ਅਤੇ ਮੁਸਕਰਾਹਟ ਦਰਦ ਦੇ ਬਾਵਜੂਦ ਕਦੇ ਵੀ ਘੱਟ ਨਹੀਂ ਹੋਣੀ ਚਾਹੀਦੀ। ਇਹ ਉਹ ਸੰਘਰਸ਼ ਹਨ ਜੋ ਸਾਰੇ ਅਦਾਕਾਰ ਅਤੇ ਕੋਰੀਓਗ੍ਰਾਫਰ ਪਰਦੇ ਦੇ ਪਿੱਛੇ ਝੱਲਦੇ ਹਨ।

‘ਟਿਪ ਟਿਪ ਬਰਸਾ ਪਾਣੀ’ ਬਾਲੀਵੁੱਡ ਦਾ ਮਸ਼ਹੂਰ ਗੀਤ ਹੈ। ਇਹ 1994 ‘ਚ ਰਿਲੀਜ਼ ਹੋਈ ਫਿਲਮ ‘ਮੋਹਰਾ’ ਦਾ ਗੀਤ ਹੈ, ਜਿਸ ‘ਚ ਅਕਸ਼ੈ ਕੁਮਾਰ ਅਤੇ ਰਵੀਨਾ ਟੰਡਨ ਨੇ ਆਪਣੀ ਕੈਮਿਸਟਰੀ ਨਾਲ ਅੱਗ ਲਗਾ ਦਿੱਤੀ ਸੀ। ਫਿਲਮ ਵਿੱਚ ਸੁਨੀਲ ਸ਼ੈੱਟੀ, ਪਰੇਸ਼ ਰਾਵਲ ਅਤੇ ਨਸੀਰੂਦੀਨ ਸ਼ਾਹ ਵਰਗੇ ਕਲਾਕਾਰ ਵੀ ਸਨ। ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਰਵੀਨਾ ਟੰਡਨ ‘ਵੈਲਕਮ ਟੂ ਦਿ ਜੰਗਲ’ ‘ਚ ਨਜ਼ਰ ਆਵੇਗੀ। ਇਸ ਵਿੱਚ ਅਕਸ਼ੈ ਕੁਮਾਰ, ਸੰਜੇ ਦੱਤ, ਸੁਨੀਲ ਸ਼ੈਟੀ, ਅਰਸ਼ਦ ਵਾਰਸੀ ਸਮੇਤ ਕਈ ਸਿਤਾਰਿਆਂ ਦੀ ਫੌਜ ਹੈ। ਇਸ ਨੂੰ ਜੋਤੀ ਦੇਸ਼ਪਾਂਡੇ ਅਤੇ ਫਿਰੋਜ਼ ਨਾਡਿਆਡਵਾਲਾ ਨੇ ਪ੍ਰੋਡਿਊਸ ਕੀਤਾ ਹੈ। ਇਹ 20 ਦਸੰਬਰ 2024 ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਵੇਗੀ। ਫਿਲਮ ਦੇ ਨਿਰਦੇਸ਼ਕ ਅਹਿਮਦ ਖਾਨ ਹਨ।