ਰਵੀ ਕਿਸ਼ਨ ਨੇ ਮੱਲਿਕਾਰਜੁਨ ਖੜਗੇ ਨੂੰ ਦਿੱਤੀ ਹਿਮਾਲਿਆ ‘ਤੇ ਜਾਣ ਦੀ ਸਲਾਹ

ਰਵੀ ਕਿਸ਼ਨ ਨੇ ਕਿਹਾ ਕਿ ਦੇਸ਼ ਪਿਛਲੇ 10 ਸਾਲਾਂ ਤੋਂ ਦੇਖ ਰਿਹਾ ਹੈ ਕਿ ‘ਰਾਮ ਰਾਜ’ ‘ਚ ਹਿੰਦੂਆਂ ਅਤੇ ਮੁਸਲਮਾਨ ਸਾਰੇ ਖੁਸ਼ ਹਨ, ਅਸੀਂ ਚੰਦਰਮਾ ‘ਤੇ ਪਹੁੰਚ ਗਏ ਹਾਂ।

ਇਸ ਵਾਰ ਲੋਕ ਸਭਾ ਚੋਣਾਂ ਬਹੁਤ ਜ਼ਿਆਦਾ ਰੋਮਾਂਚਕ ਹੁੰਦੀਆਂ ਜਾ ਰਹੀਆਂ ਹਨ। ਲੋਕ ਸਭਾ ਚੋਣਾਂ 2024 ਹੁਣ ਹੌਲੀ-ਹੌਲੀ ਆਪਣੇ ਆਖ਼ਿਰੀ ਪੜਾਅ ਵੱਲ ਵਧ ਰਹੀਆਂ ਹਨ। ਲੋਕ ਸਭਾ ਚੋਣਾਂ ਦੇ ਚੌਥੇ ਪੜਾਅ ਦੀ ਵੋਟਿੰਗ ਬੀਤੇ ਸੋਮਵਾਰ ਨੂੰ ਪੂਰੀ ਹੋ ਗਈ। ਇਸ ਦੌਰਾਨ ਚੋਣ ਪ੍ਰਚਾਰ ਦੌਰਾਨ ਆਗੂ ਲਗਾਤਾਰ ਇੱਕ ਦੂਜੇ ਖ਼ਿਲਾਫ਼ ਬਿਆਨਬਾਜ਼ੀ ਕਰ ਰਹੇ ਹਨ।

ਕਾਂਗਰਸ ਦੇ ਰਾਸ਼ਟਰੀ ਪ੍ਰਧਾਨ ਮਲਿਕਾਰਜੁਨ ਖੜਗੇ ਨੇ ਹਾਲ ਹੀ ‘ਚ ਇਕ ਬੈਠਕ ‘ਚ ਕਿਹਾ ਕਿ ਜੇਕਰ ਭਾਜਪਾ ਸਰਕਾਰ ਵਾਪਸ ਆਈ ਤਾਂ ਦੇਸ਼ ਨੂੰ ਗੁਲਾਮ ਬਣਾ ਦੇਵੇਗੀ। ਹੁਣ ਭਾਜਪਾ ਨੇਤਾ ਅਤੇ ਸੰਸਦ ਮੈਂਬਰ ਅਤੇ ਗੋਰਖਪੁਰ ਲੋਕ ਸਭਾ ਸੀਟ ਤੋਂ ਉਮੀਦਵਾਰ ਰਵੀ ਕਿਸ਼ਨ ਨੇ ਉਨ੍ਹਾਂ ਦੇ ਬਿਆਨ ਨੂੰ ਲੈ ਕੇ ਮੱਲਿਕਾਰਜੁਨ ਖੜਗੇ ‘ਤੇ ਤਿੱਖਾ ਹਮਲਾ ਕੀਤਾ ਹੈ।

#WATCH | Uttar Pradesh: On Congress President Mallikarjun Kharge's statement that the BJP will make the country a slave, BJP candidate from Gorakhpur Lok Sabha constituency Ravi Kishan says, "This shows how much his age is affecting him. A person speaks like this when he becomes… pic.twitter.com/JJTF0FMahS

— ANI (@ANI) May 13, 2024

ਕਾਂਗਰਸ ਪ੍ਰਧਾਨ ਮਲਿਕਾਰਜੁਨ ਖੜਗੇ ਨੇ ਐਤਵਾਰ ਨੂੰ ਦਾਅਵਾ ਕੀਤਾ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਦੇ ਤੀਜੇ ਕਾਰਜਕਾਲ ਦਾ ਮਤਲਬ ਗਰੀਬਾਂ, ਦਲਿਤਾਂ ਅਤੇ ਆਦਿਵਾਸੀਆਂ ਨਾਲ ‘ਗੁਲਾਮਾਂ ਵਰਗਾ ਸਲੂਕ’ ਹੋਵੇਗਾ। ਗੋਰਖਪੁਰ ਲੋਕ ਸਭਾ ਹਲਕੇ ਤੋਂ ਭਾਜਪਾ ਦੇ ਉਮੀਦਵਾਰ ਰਵੀ ਕਿਸ਼ਨ ਨੇ ਕਿਹਾ, “ਇਸ ਤੋਂ ਪਤਾ ਲੱਗਦਾ ਹੈ ਕਿ ਉਮਰ ਦਾ ਕਿੰਨਾ ਅਸਰ ਪੈਂਦਾ ਹੈ। ਜਦੋਂ ਵਿਅਕਤੀ ਬੁੱਢਾ ਹੋ ਜਾਂਦਾ ਹੈ ਤਾਂ ਉਹ ਇਸ ਤਰ੍ਹਾਂ ਬੋਲਦਾ ਹੈ। ਦੇਸ਼ ਪਿਛਲੇ 10 ਸਾਲਾਂ ਤੋਂ ਦੇਖ ਰਿਹਾ ਹੈ ਕਿ ‘ਰਾਮ ਰਾਜ’ ‘ਚ ਹਿੰਦੂਆਂ ਅਤੇ ਮੁਸਲਮਾਨ ਸਾਰੇ ਖੁਸ਼ ਹਨ, ਅਸੀਂ ਚੰਦਰਮਾ ‘ਤੇ ਪਹੁੰਚ ਗਏ ਹਾਂ ਅਤੇ ਉਹ ਕਹਿ ਰਿਹਾ ਹੈ, ਤੁਹਾਨੂੰ ਤੁਰੰਤ ਆਰਾਮ ਦੀ ਜ਼ਰੂਰਤ ਹੈ, ਮੈਂ ਤੁਹਾਨੂੰ ਉਸ ਗੁਫਾ ਬਾਰੇ ਦੱਸਾਂਗਾ ਅਤੇ ਤੁਹਾਨੂੰ ਉੱਥੇ ਜਾਣਾ ਚਾਹੀਦਾ ਹੈ, ਉੱਥੇ ਜਾਓ ਮੈਂ ਪਤਾ ਭੇਜ ਦਿਆਂਗਾ ਕਿ ਉੱਥੇ ਕਿਵੇਂ ਪਹੁੰਚਣਾ ਹੈ।”