ਅਲਵਲੀਦ ਬਿਨ ਤਲਾਲ ਅਲ-ਸਾਊਦ ਕੋਲ ਹੈ ਸਭ ਤੋਂ ਮਹਿੰਗਾ ਪ੍ਰਾਈਵੇਟ ਜੈੱਟ, ਆਪਣੀ ਲੁੱਕ ‘ਤੇ 1500 ਕਰੋੜ ਕਰਦਾ ਹੈ ਖਰਚ

ਸਾਊਦੀ ਅਰਬ ਦੇ ਕ੍ਰਾਊਨ ਪ੍ਰਿੰਸ ਕੋਲ ਜਿਹੜਾ ਪ੍ਰਾਈਵੇਟ ਜੈਟ ਹੈ ਉਸਦੀ ਕੀਮਤ 500 ਮਿਲੀਅਨ ਅਮਰੀਕੀ ਡਾਲਰ ਯਾਨੀ ਲਗਭਗ 4100 ਕਰੋੜ ਰੁਪਏ ਹੈ। ਅੰਬਾਨੀ ਅਤੇ ਟਾਟਾ ਕੋਲ ਵੀ ਪ੍ਰਾਈਵੇਟ ਜੈੱਟ ਹਨ’, ਪਰ ਇਨ੍ਹਾਂ ਦੀਆਂ ਕੀਮਤਾਂ ਬਹੁਤ ਘੱਟ ਹਨ।

ਅਮੀਰ ਲੋਕਾਂ ਨੂੰ ਆਪਣੇ ਪ੍ਰਾਈਵੇਟ ਜੈਟ ਰੱਖਣ ਦਾ ਬਹੁਤ ਸ਼ੋਕ ਹੁੰਦਾ ਹੈ। ਦੁਨੀਆ ਦਾ ਸਭ ਤੋਂ ਮਹਿੰਗਾ ਪ੍ਰਾਈਵੇਟ ਜੈੱਟ ਸਾਊਦੀ ਅਰਬ ਦੇ ਕ੍ਰਾਊਨ ਪ੍ਰਿੰਸ ਅਤੇ ਉਦਯੋਗਪਤੀ ਅਲ ਵਲੀਦ ਬਿਨ ਤਲਾਲ ਅਲ-ਸਾਊਦ ਦੀ ਮਲਕੀਅਤ ਹੈ, ਜੋ ਇੱਕ ਪ੍ਰਮੁੱਖ ਮੱਧ ਪੂਰਬੀ ਸ਼ਾਹੀ ਪਰਿਵਾਰ ਦਾ ਮੈਂਬਰ ਹੈ।

ਉਸ ਕੋਲ ਬਹੁਤ ਵੱਡੀ ਦੌਲਤ ਹੈ। ਉਸ ਕੋਲ ਜਿਹੜਾ ਪ੍ਰਾਈਵੇਟ ਜੈਟ ਹੈ ਉਸਦੀ ਕੀਮਤ 500 ਮਿਲੀਅਨ ਅਮਰੀਕੀ ਡਾਲਰ ਯਾਨੀ ਲਗਭਗ 4100 ਕਰੋੜ ਰੁਪਏ ਹੈ। ਅੰਬਾਨੀ ਅਤੇ ਟਾਟਾ ਕੋਲ ਵੀ ਪ੍ਰਾਈਵੇਟ ਜੈੱਟ ਹਨ’ ਪਰ ਇਨ੍ਹਾਂ ਦੀਆਂ ਕੀਮਤਾਂ ਬਹੁਤ ਘੱਟ ਹਨ। ਅਲ ਵਲੀਦ ਬਿਨ ਤਲਾਲ ਅਲ-ਸਾਊਦ ਕੋਲ ਇੱਕ ਨਿੱਜੀ ਬੋਇੰਗ 747 ਵੀ ਹੈ, ਜਿਸਦੀ ਕੀਮਤ 150 ਤੋਂ 200 ਮਿਲੀਅਨ ਅਮਰੀਕੀ ਡਾਲਰ ਦੇ ਵਿਚਕਾਰ ਹੈ।

ਅਲ ਸਾਊਦ ਦਾ ਨਿੱਜੀ ਜਹਾਜ਼ 800 ਲੋਕਾਂ ਨੂੰ ਲਿਜਾ ਸਕਦਾ ਹੈ। ਇਸ ਵਿੱਚ 10-ਸੀਟਰ ਡਾਇਨਿੰਗ ਹਾਲ, ਪ੍ਰਾਰਥਨਾ ਰੂਮ, ਸਪਾ ਅਤੇ ਹੋਮ ਥੀਏਟਰ ਸਿਸਟਮ ਸਮੇਤ ਬਹੁਤ ਸਾਰੀਆਂ ਸਹੂਲਤਾਂ ਹਨ। ਫੋਰਬਸ ਦੀ ਰਿਪੋਰਟ ਮੁਤਾਬਕ ਅਲ-ਸਾਊਦ ਦੀ ਦੌਲਤ ਰਤਨ ਟਾਟਾ ਅਤੇ ਮੁਕੇਸ਼ ਅੰਬਾਨੀ ਤੋਂ 1.55 ਲੱਖ ਕਰੋੜ ਰੁਪਏ ਘੱਟ ਹੈ।

ਅੰਬਾਨੀ ਦੀ ਮਾਲਕੀ ਵਾਲੇ ਬੋਇੰਗ ਬਿਜ਼ਨਸ ਜੈੱਟ 2 ਜਹਾਜ਼ ਦੀ ਕੀਮਤ 603 ਕਰੋੜ ਰੁਪਏ ਦੱਸੀ ਜਾਂਦੀ ਹੈ। ਇਸ ਦੇ ਨਾਲ ਹੀ ਅਡਾਨੀ ਗਰੁੱਪ ਦੇ ਚੇਅਰਮੈਨ ਗੌਤਮ ਅਡਾਨੀ ਕੋਲ ਕਈ ਪ੍ਰਾਈਵੇਟ ਜੈੱਟ ਹਨ, ਜਿਨ੍ਹਾਂ ‘ਚ ਹਾਕਰ ਬੀਚਕ੍ਰਾਫਟ 850CP, ਬੰਬਾਰਡੀਅਰ ਚੈਲੇਂਜਰ 605 ਅਤੇ ਐਂਬਰੇਅਰ ਲੀਗੇਸੀ 650 ਮਾਡਲ ਸ਼ਾਮਲ ਹਨ। ਰਤਨ ਟਾਟਾ ਕੋਲ ਡਸਾਲਟ ਫਾਲਕਨ 2000 ਪ੍ਰਾਈਵੇਟ ਜੈੱਟ ਹੈ, ਜਿਸ ਦੀ ਕੀਮਤ 200 ਕਰੋੜ ਰੁਪਏ ਤੋਂ ਵੱਧ ਹੈ। ਇਹ ਸਭ ਤੋਂ ਮਹਿੰਗੇ ਪ੍ਰਾਈਵੇਟ ਜੈੱਟ ਮਾਡਲਾਂ ਵਿੱਚੋਂ ਇੱਕ ਹੈ। ਐਲੋਨ ਮਸਕ, ਬਿਲ ਗੇਟਸ ਅਤੇ ਜੈਫ ਬੇਜੋਸ ਕੋਲ ਵੀ ਪ੍ਰਾਈਵੇਟ ਜੈੱਟ ਹਨ।