ਪ੍ਰਣਬ ਮੁਖਰਜੀ ਦੀ ਧੀ ਨੇ ਕਿਹਾ, ਮੇਰੇ ਪਿਤਾ ਨੂੰ ਚਾਪਲੂਸੀ ਨਹੀਂ ਆਉਂਦੀ ਸੀ, ਪੀਐੱਮ ਮੋਦੀ ਨਾਲ ਉਨ੍ਹਾਂ ਦੀ ਚੰਗੀ ਟਿਊਨਿੰਗ ਸੀ

ਇੰਦਰਾ ਗਾਂਧੀ ਦੇ ਨਾਲ ਆਪਣੇ ਪਿਤਾ ਦੇ ਕਾਰਜਕਾਲ ਬਾਰੇ ਸ਼ਰਮਿਸ਼ਠਾ ਨੇ ਕਿਹਾ ਕਿ ਮੇਰੇ ਪਿਤਾ ਕਹਿੰਦੇ ਸਨ ਕਿ ਇੰਦਰਾ ਗਾਂਧੀ ਦੇ ਨਾਲ ਕੀਤਾ ਕੰਮ ਉਨ੍ਹਾਂ ਦੇ ਸਿਆਸੀ ਜੀਵਨ ਦਾ ਸੁਨਹਿਰੀ ਦੌਰ ਸੀ।

ਕਾਂਗਰਸ ਪਾਰਟੀ ਦੇ ਸ਼ਕਤੀਸ਼ਾਲੀ ਨੇਤਾ ਅਤੇ ਦੇਸ਼ ਦੇ ਸਾਬਕਾ ਰਾਸ਼ਟਰਪਤੀ ਪ੍ਰਣਬ ਮੁਖਰਜੀ ਕਿਸੇ ਵੀ ਪਹਿਚਾਣ ਦੇ ਮੋਹਤਾਜ਼ ਨਹੀਂ ਹਨ। ਸਾਬਕਾ ਰਾਸ਼ਟਰਪਤੀ ਪ੍ਰਣਬ ਮੁਖਰਜੀ ਦੀ ਬੇਟੀ ਸ਼ਰਮਿਸ਼ਠਾ ਮੁਖਰਜੀ ਨੇ ਕਿਹਾ ਹੈ ਕਿ ਉਨ੍ਹਾਂ ਦੇ ਪਿਤਾ ਚਾਪਲੂਸੀ ਕਰਨ ਵਾਲੇ ਨਹੀਂ ਸਨ, ਇਸੇ ਲਈ ਰਾਜੀਵ ਗਾਂਧੀ ਨੇ ਉਨ੍ਹਾਂ ਨੂੰ ਆਪਣੀ ਕੈਬਨਿਟ ਵਿੱਚ ਸ਼ਾਮਲ ਨਹੀਂ ਕੀਤਾ।

ਸ਼ਰਮਿਸ਼ਠਾ ਨੇ ਕਿਹਾ ਕਿ ਉਨ੍ਹਾਂ ਦੇ ਪਿਤਾ ਨੇ ਦੱਸਿਆ ਸੀ ਕਿ ਸਾਬਕਾ ਪ੍ਰਧਾਨ ਮੰਤਰੀ ਇੰਦਰਾ ਗਾਂਧੀ ਦੇ ਕਾਰਜਕਾਲ ਦੌਰਾਨ ਕੀਤੇ ਗਏ ਕੰਮ ਉਨ੍ਹਾਂ ਦੇ ਸਿਆਸੀ ਜੀਵਨ ਦਾ ਸੁਨਹਿਰੀ ਦੌਰ ਸੀ। ਸ਼ਰਮਿਸ਼ਠਾ ਨੇ ਇਹ ਵੀ ਦੱਸਿਆ ਕਿ ਜਦੋਂ ਉਹ ਰਾਸ਼ਟਰਪਤੀ ਸੀ ਤਾਂ ਉਨ੍ਹਾਂ ਦੇ ਪਿਤਾ ਅਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਇਕ ਟੀਮ ਵਾਂਗ ਕੰਮ ਕੀਤਾ ਸੀ।

ਸ਼ਰਮਿਸ਼ਠਾ ਪਿੱਛਲੇ ਦਿਨੀ ਆਪਣੇ ਪਿਤਾ ‘ਤੇ ਲਿਖੀ ਕਿਤਾਬ ‘ਪ੍ਰਣਬ ਮਾਈ ਫਾਦਰ : ਏ ਡਾਟਰ ਰੀਮੇਮਬਰਜ਼’ ਲਾਂਚ ਕੀਤੀ। ਇਸ ਦੌਰਾਨ ਉਸਨੇ ਇਹ ਗੱਲਾਂ ਕਹੀਆਂ। ਸ਼ਰਮਿਸ਼ਠਾ ਮੁਤਾਬਕ ਉਸਨੇ ਇਹ ਕਿਤਾਬ ਆਪਣੇ ਪਿਤਾ ਦੀਆਂ ਡਾਇਰੀਆਂ ‘ਚ ਲਿਖੀਆਂ ਗੱਲਾਂ ਦੇ ਆਧਾਰ ‘ਤੇ ਲਿਖੀ ਹੈ। ਇਸ ਕਿਤਾਬ ਵਿੱਚ ਰਾਹੁਲ ਗਾਂਧੀ ਨਾਲ ਜੁੜੀਆਂ ਬਹੁਤ ਘੱਟ ਗੱਲਾਂ ਹਨ। ਸ਼ਰਮਿਸ਼ਠਾ ਨੇ ਰਾਹੁਲ ਗਾਂਧੀ ਬਾਰੇ ਆਪਣੇ ਪਿਤਾ ਦੇ ਵਿਚਾਰ ਪ੍ਰਗਟ ਕੀਤੇ।

ਸ਼ਰਮਿਸ਼ਠਾ ਨੇ ਦੱਸਿਆ ਕਿ ਉਸਦੇ ਪਿਤਾ ਆਰਡੀਨੈਂਸ ਦੇ ਫਾੜਨ ਦੇ ਖਿਲਾਫ ਸਨ, ਜਿਸ ਦੀ ਕਾਪੀ ਰਾਹੁਲ ਗਾਂਧੀ ਨੇ ਸਤੰਬਰ 2013 ਵਿੱਚ ਇੱਕ ਪ੍ਰੈਸ ਕਾਨਫਰੰਸ ਵਿੱਚ ਪਾੜ ਦਿੱਤੀ ਸੀ। ਸ਼ਰਮਿਸ਼ਠਾ ਨੇ ਕਿਹਾ ਕਿ ਮੈਂ ਹੀ ਉਨ੍ਹਾਂ ਨੂੰ ਆਰਡੀਨੈਂਸ ਦੇ ਫਾੜਨ ਦੀ ਖਬਰ ਦੱਸੀ ਸੀ। ਉਹ ਬਹੁਤ ਗੁੱਸੇ ਵਿੱਚ ਸੀ। ਉਸ ਦੇ ਪਿਤਾ ਨੇ ਕਿਹਾ ਕਿ ਇਸ ਬਾਰੇ ਸੰਸਦ ਵਿੱਚ ਚਰਚਾ ਹੋਣੀ ਚਾਹੀਦੀ ਸੀ। ਇਸ ਕਿਤਾਬ ‘ਤੇ ਸਾਬਕਾ ਨੌਕਰਸ਼ਾਹ ਪਵਨ ਕੇ ਵਰਮਾ ਨਾਲ ਗੱਲਬਾਤ ‘ਚ ਸ਼ਰਮਿਸ਼ਠਾ ਨੇ ਦੱਸਿਆ ਕਿ ਜਦੋਂ ਉਨ੍ਹਾਂ ਦੇ ਪਿਤਾ ਆਰਐੱਸਐੱਸ ਦੇ ਇਕ ਸਮਾਗਮ ‘ਚ ਗਏ ਤਾਂ ਮੈਂ ਵਿਰੋਧ ਕੀਤਾ ਸੀ।

ਸ਼ਰਮਿਸ਼ਠਾ ਨੇ ਕਿਹਾ ਕਿ ਮੈਂ ਤਿੰਨ-ਚਾਰ ਦਿਨਾਂ ਤੱਕ ਬਾਬੇ ਨਾਲ ਗੱਲ ਨਹੀਂ ਕੀਤੀ। ਇੱਕ ਦਿਨ ਪ੍ਰਣਬ ਮੁਖਰਜੀ ਨੇ ਕਿਹਾ ਕਿ ਮੈਂ ਇਸ ਸਮਾਗਮ ਵਿੱਚ ਜਾਣ ਨੂੰ ਜਾਇਜ਼ ਨਹੀਂ ਠਹਿਰਾ ਰਿਹਾ, ਸਗੋਂ ਦੇਸ਼ ਇਸ ਨੂੰ ਜਾਇਜ਼ ਠਹਿਰਾ ਰਿਹਾ ਹੈ। ਬਾਬਾ ਦਾ ਮੰਨਣਾ ਸੀ ਕਿ ਲੋਕਤੰਤਰ ਦਾ ਮਤਲਬ ਹੈ ਖੁੱਲ੍ਹ ਕੇ ਗੱਲਬਾਤ ਹੋਣੀ ਚਾਹੀਦੀ ਹੈ। ਇੰਦਰਾ ਗਾਂਧੀ ਦੇ ਨਾਲ ਆਪਣੇ ਪਿਤਾ ਦੇ ਕਾਰਜਕਾਲ ਬਾਰੇ ਸ਼ਰਮਿਸ਼ਠਾ ਨੇ ਕਿਹਾ ਕਿ ਮੇਰੇ ਪਿਤਾ ਕਹਿੰਦੇ ਸਨ ਕਿ ਇੰਦਰਾ ਗਾਂਧੀ ਦੇ ਨਾਲ ਕੀਤਾ ਕੰਮ ਉਨ੍ਹਾਂ ਦੇ ਸਿਆਸੀ ਜੀਵਨ ਦਾ ਸੁਨਹਿਰੀ ਦੌਰ ਸੀ। ਇੰਦਰਾਜੀ ਨੇ ਬਾਬੇ ਦੇ ਕੰਮ ‘ਤੇ ਨਜ਼ਰ ਰੱਖੀ। ਜੇਕਰ ਕੋਈ ਅਜਿਹਾ ਵਿਅਕਤੀ ਸੀ ਜਿਸ ਪ੍ਰਤੀ ਮੇਰੇ ਪਿਤਾ ਵਫ਼ਾਦਾਰ ਸੀ, ਉਹ ਇੰਦਰਾ ਜੀ ਸੀ ਅਤੇ ਹੋਰ ਕੋਈ ਨਹੀਂ। ਬਾਬਾ ਵੀ ਇਕ ਦਿਨ ਵਿਚ ਇੰਦਰਾਜੀ ਦੀ ਕੈਬਨਿਟ ਵਿਚ ਨਹੀਂ ਆਏ ਉਨ੍ਹਾਂ ਨੇ ਬਹੁਤ ਮਿਹਨਤ ਕੀਤੀ, ਜਿਸ ਨੂੰ ਇੰਦਰਾਜੀ ਨੇ ਦੇਖਿਆ ਅਤੇ ਬਹੁਤ ਪ੍ਰਭਾਵਿਤ ਹੋਈ ਸੀ।