ਸ਼ਤਰੂਘਨ ਸਿਨਹਾ ਅਤੇ ਸੰਨੀ ਦਿਓਲ ਲੋਕ ਸਭਾ ‘ਚ ਕਿਸੇ ਵੀ ਬਹਿਸ ‘ਚ ਨਹੀਂ ਆਏ

ਸੰਸਦ ‘ਚ ਆਪਣੀ ਘੱਟ ਹਾਜ਼ਰੀ ਕਾਰਨ ਸੰਨੀ ਅਕਸਰ ਵਿਰੋਧੀ ਧਿਰ ਦੇ ਨਿਸ਼ਾਨੇ ‘ਤੇ ਰਹਿੰਦੇ ਹਨ। ਅਕਤੂਬਰ 2023 ਵਿੱਚ ਸੰਨੀ ਨੇ ਸੰਸਦ ਵਿੱਚ ਆਪਣੀ ਘੱਟ ਹਾਜ਼ਰੀ ਨੂੰ ਲੈ ਕੇ ਪਹਿਲੀ ਵਾਰ ਆਪਣਾ ਪੱਖ ਪੇਸ਼ ਕੀਤਾ ਸੀ। ਸੰਨੀ ਨੇ ਕਿਹਾ ਜਦੋਂ ਤੋਂ ਮੈਂ ਰਾਜਨੀਤੀ ਵਿੱਚ ਆਇਆ ਹਾਂ, ਮੈਨੂੰ ਅਹਿਸਾਸ ਹੋਇਆ ਹੈ ਕਿ ਇਹ ਮੇਰੀ ਦੁਨੀਆ ਨਹੀਂ ਹੈ।

ਦੇਸ਼ ਵਿਚ ਲੋਕਸਭਾ ਚੋਣਾਂ ਵਿਚ ਬਹੁਤ ਘਟ ਸਮਾਂ ਰਹਿ ਗਿਆ ਹੈ। 2024 ਦੀਆਂ ਲੋਕ ਸਭਾ ਚੋਣਾਂ ਤੋਂ ਪਹਿਲਾਂ 31 ਜਨਵਰੀ ਨੂੰ ਸ਼ੁਰੂ ਹੋਇਆ ਸੰਸਦ ਦਾ ਅੰਤਰਿਮ ਬਜਟ ਸੈਸ਼ਨ 10 ਫਰਵਰੀ ਨੂੰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਭਾਸ਼ਣ ਨਾਲ ਸਮਾਪਤ ਹੋਇਆ। 17ਵੀਂ ਲੋਕ ਸਭਾ ਦੇ ਸੰਸਦ ਸੈਸ਼ਨ ਦੌਰਾਨ 5 ਸਾਲਾਂ ਵਿੱਚ ਕੁੱਲ 274 ਬੈਠਕਾਂ ਹੋਈਆਂ।

ਸੰਸਦ ਮੈਂਬਰ ਸ਼ਤਰੂਘਨ ਸਿਨਹਾ ਅਤੇ ਸੰਨੀ ਦਿਓਲ ਨੇ ਲੋਕ ਸਭਾ ਵਿੱਚ ਕਿਸੇ ਵੀ ਬਹਿਸ ਵਿੱਚ ਹਿੱਸਾ ਨਹੀਂ ਲਿਆ। ਇਹ ਜਾਣਕਾਰੀ ਮੰਗਲਵਾਰ (13 ਫਰਵਰੀ) ਨੂੰ ਪੀਆਰਐਸ ਵਿਧਾਨਕਾਰ ਦੁਆਰਾ ਸਾਂਝੀ ਕੀਤੀ ਗਈ। ਇਸ ਦੇ ਨਾਲ ਹੀ ਕਾਂਕੇਰ ਅਤੇ ਅਜਮੇਰ ਤੋਂ ਭਾਜਪਾ ਦੇ ਸੰਸਦ ਮੈਂਬਰ ਇੱਕ ਵੀ ਮੀਟਿੰਗ ਵਿੱਚ ਗੈਰ ਹਾਜਰ ਨਹੀਂ ਰਹੇ, ਉਨ੍ਹਾਂ ਦੀ ਹਾਜ਼ਰੀ 100% ਰਹੀ।

ਸਿਨਹਾ ਪੱਛਮੀ ਬੰਗਾਲ ਦੀ ਆਸਨਸੋਲ ਲੋਕ ਸਭਾ ਸੀਟ ਤੋਂ ਟੀਐਮਸੀ ਦੇ ਸੰਸਦ ਮੈਂਬਰ ਹਨ, ਜਦਕਿ ਸੰਨੀ ਦਿਓਲ ਪੰਜਾਬ ਦੇ ਗੁਰਦਾਸਪੁਰ ਦੀ ਨੁਮਾਇੰਦਗੀ ਕਰਦੇ ਹਨ। ਸੰਸਦ ‘ਚ ਆਪਣੀ ਘੱਟ ਹਾਜ਼ਰੀ ਕਾਰਨ ਸੰਨੀ ਅਕਸਰ ਵਿਰੋਧੀ ਧਿਰ ਦੇ ਨਿਸ਼ਾਨੇ ‘ਤੇ ਰਹਿੰਦੇ ਹਨ। ਅਕਤੂਬਰ 2023 ਵਿੱਚ ਸੰਨੀ ਨੇ ਸੰਸਦ ਵਿੱਚ ਆਪਣੀ ਘੱਟ ਹਾਜ਼ਰੀ ਨੂੰ ਲੈ ਕੇ ਪਹਿਲੀ ਵਾਰ ਆਪਣਾ ਪੱਖ ਪੇਸ਼ ਕੀਤਾ ਸੀ। ਉਨ੍ਹਾਂ ਨੇ ਇੱਕ ਟਾਕ ਸ਼ੋਅ ਵਿੱਚ ਕਿਹਾ ਸੀ- ‘ਸੰਸਦ ਵਿੱਚ ਮੇਰੀ ਮੌਜੂਦਗੀ ਅਸਲ ਵਿੱਚ ਘੱਟ ਹੈ। ਮੈਂ ਇਹ ਨਹੀਂ ਕਹਿੰਦਾ ਕਿ ਇਹ ਚੰਗੀ ਗੱਲ ਹੈ, ਪਰ ਜਦੋਂ ਤੋਂ ਮੈਂ ਰਾਜਨੀਤੀ ਵਿੱਚ ਆਇਆ ਹਾਂ, ਮੈਨੂੰ ਅਹਿਸਾਸ ਹੋਇਆ ਹੈ ਕਿ ਇਹ ਮੇਰੀ ਦੁਨੀਆ ਨਹੀਂ ਹੈ।

ਪੀਆਰਐਸ ਵਿਧਾਨਕਾਰ ਅਨੁਸਾਰ, ਕਾਂਕੇਰ, ਛੱਤੀਸਗੜ੍ਹ ਤੋਂ ਭਾਜਪਾ ਦੇ ਸੰਸਦ ਮੈਂਬਰ ਮੋਹਨ ਮੰਡਵੀ ਅਤੇ ਅਜਮੇਰ ਤੋਂ ਪਾਰਟੀ ਦੇ ਸੰਸਦ ਮੈਂਬਰ ਭਾਗੀਰਥ ਚੌਧਰੀ ਨੇ 17ਵੀਂ ਲੋਕ ਸਭਾ ਦੀ ਇੱਕ ਵੀ ਮੀਟਿੰਗ ਨਾ ਗਵਾਉਣ ਦਾ ਵਿਲੱਖਣ ਰਿਕਾਰਡ ਹਾਸਲ ਕੀਤਾ ਹੈ। 2019-24 ਲੋਕ ਸਭਾ ਵਿੱਚ ਕੁੱਲ 274 ਬੈਠਕਾਂ ਹੋਈਆਂ। ਇਹ ਇਤਫ਼ਾਕ ਦੀ ਗੱਲ ਸੀ ਕਿ ਦੋਵਾਂ ਨੂੰ ਸਦਨ ਵਿੱਚ ਇੱਕ-ਦੂਜੇ ਦੇ ਨਾਲ-ਨਾਲ ਸੀਟਾਂ ਮਿਲ ਗਈਆਂ ਸਨ।