ਸੁਪਰਸਟਾਰ ਰਜਨੀਕਾਂਤ ਦੇ ‘ਹਮਸ਼ਕਲ’ ਦੀ ਵੀਡੀਓ ਵਾਇਰਲ, ਪਹਿਰਾਵੇ ਅਤੇ ਹੇਅਰਸਟਾਈਲ ਦੇਖ ਲੋਕ ਹੋਏ ਹੈਰਾਨ

72 ਸਾਲਾ ਸੁਪਰਸਟਾਰ ਰਜਨੀਕਾਂਤ ਦੀ ਗੱਲ ਕਰੀਏ ਤਾਂ ਉਹ ਜਲਦ ਹੀ ਆਪਣੀ ਬੇਟੀ ਐਸ਼ਵਰਿਆ ਦੀ ਫਿਲਮ ‘ਲਾਲ ਸਲਾਮ’ ‘ਚ ਨਜ਼ਰ ਆਉਣਗੇ, ਜੋ ਜਨਵਰੀ 2024 ‘ਚ ਰਿਲੀਜ਼ ਹੋ ਸਕਦੀ ਹੈ।

ਰਜਨੀਕਾਂਤ ਨੂੰ ਸਾਊਥ ਵਿਚ ਰੱਬ ਦਾ ਦਰਜ਼ਾ ਦਿਤਾ ਜਾਂਦਾ ਹੈ, ਉਹ ਫਿਲਮ ਇੰਡਸਟਰੀ ਦੇ ਸੁਪਰਸਟਾਰ ਹਨ, ਜਿਨ੍ਹਾਂ ਦਾ ਅੰਦਾਜ਼ ਵਿਲੱਖਣ ਰਿਹਾ ਹੈ। ਰਜਨੀ ਸਰ ਨੇ ਵੱਖ-ਵੱਖ ਭਾਸ਼ਾਵਾਂ ‘ਚ ਕਈ ਫਿਲਮਾਂ ‘ਚ ਕੰਮ ਕੀਤਾ ਹੈ। ਜਦੋਂ ਉਨ੍ਹਾਂ ਦੀ ਫਿਲਮ ਰਿਲੀਜ਼ ਹੁੰਦੀ ਹੈ ਤਾਂ ਮਾਹੌਲ ਦੇਖਣ ਯੋਗ ਹੁੰਦਾ ਹੈ, ਲੱਗਦਾ ਹੈ ਜਿਵੇਂ ਕੋਈ ਤਿਉਹਾਰ ਹੋਵੇ।

இவர் எளிமையான மனிதர்னு சொல்லுவானுங்க ஆனா இவளோ எளிமையானவரான்னு இப்ப தான் ஆச்சர்ய படுறேன்…. pic.twitter.com/pIbxiVYlpX

— 🔥 DESPOTER 🔥 (@despoters_12345) October 20, 2023

ਇਨ੍ਹੀਂ ਦਿਨੀਂ ਸੋਸ਼ਲ ਮੀਡੀਆ ‘ਤੇ ਇਕ ਵੀਡੀਓ ਕਾਫੀ ਦੇਖਣ ਨੂੰ ਮਿਲ ਰਹੀ ਹੈ। ਇਸ ਕਲਿੱਪ ‘ਚ ਇਕ ਵਿਅਕਤੀ ਨਜ਼ਰ ਆ ਰਿਹਾ ਹੈ, ਜਿਸਨੂੰ ਰਜਨੀ ਸਰ ਦਾ ‘ਲੁੱਕਲਾਇਕ’ ਦੱਸਿਆ ਜਾ ਰਿਹਾ ਹੈ। ਇਹ ਵਿਅਕਤੀ ਚਾਹ ਵੇਚਦਾ ਹੈ। ਜਦੋਂ ਲੋਕਾਂ ਨੇ ਉਸ ਵਿਅਕਤੀ ਨੂੰ ਦੇਖਿਆ ਤਾਂ ਕਹਿਣ ਲੱਗੇ ਕਿ ਉਹ ਡਿੱਟੋ ਰਜਨੀ ਸਾਹਿਬ ਵਰਗਾ ਲੱਗਦਾ ਹੈ।

ਇਹ ਵੀਡੀਓ ਵੱਖ-ਵੱਖ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ‘ਤੇ ਪੋਸਟ ਕੀਤਾ ਜਾ ਰਿਹਾ ਹੈ, ਜਿਸਨੂੰ @despoters_12345 ਨਾਮ ਦੇ ਉਪਭੋਗਤਾ ਦੁਆਰਾ ਮਾਈਕ੍ਰੋਬਲਾਗਿੰਗ ਸਾਈਟ X ‘ਤੇ ਪੋਸਟ ਕੀਤਾ ਗਿਆ ਸੀ। ਇਸ ਵਿਅਕਤੀ ਦੀ ਦਿੱਖ ਰਜਨੀਕਾਂਤ ਨਾਲ ਕਾਫੀ ਮਿਲਦੀ-ਜੁਲਦੀ ਹੈ। ਜਦੋਂ ਇਹ ਕਲਿੱਪ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋਈ ਤਾਂ ਲੋਕ ਹੈਰਾਨ ਰਹਿ ਗਏ। ਹਾਲਾਂਕਿ, ਵਿਅਕਤੀ ਬਾਰੇ ਜ਼ਿਆਦਾ ਜਾਣਕਾਰੀ ਉਪਲਬਧ ਨਹੀਂ ਹੈ।

ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਰਜਨੀਕਾਂਤ ਵਰਗਾ ਦਿਖਣ ਵਾਲਾ ਇਹ ਵਿਅਕਤੀ ਕੋਚੀ (ਕੋਚੀਨ) ਵਿੱਚ ਚਾਹ ਵੇਚਦਾ ਹੈ। ਤੁਹਾਨੂੰ ਦੱਸ ਦੇਈਏ, ਕੋਚੀ, ਜਿਸਨੂੰ ‘ਕੋਚੀਨ’ ਵੀ ਕਿਹਾ ਜਾਂਦਾ ਹੈ, ਭਾਰਤ ਦੇ ਕੇਰਲ ਰਾਜ ਦੇ ਏਰਨਾਕੁਲਮ ਜ਼ਿਲ੍ਹੇ ਵਿੱਚ ਸਥਿਤ ਇੱਕ ਵੱਡਾ ਬੰਦਰਗਾਹ ਵਾਲਾ ਸ਼ਹਿਰ ਹੈ। ਵਾਇਰਲ ਕਲਿੱਪ ਵਿੱਚ, ਵਿਅਕਤੀ ਨੀਲੇ ਕਲਰ ਦੀ ਕਮੀਜ਼, ਸ਼ਾਰਟਸ ਅਤੇ ਚੱਪਲਾਂ ਵਿੱਚ ਸੜਕ ਕਿਨਾਰੇ ਲੋਕਾਂ ਨਾਲ ਗੱਲ ਕਰਦਾ ਦਿਖਾਈ ਦੇ ਰਿਹਾ ਹੈ। ਆਦਮੀ ਦਾ ਪਹਿਰਾਵਾ ਅਤੇ ਵਾਲਾਂ ਦਾ ਸਟਾਈਲ ਸੁਪਰਸਟਾਰ ਰਜਨੀਕਾਂਤ ਵਰਗਾ ਲੱਗਦਾ ਹੈ।

ਇਸ ਲਈ, ਵੀਡੀਓ ਨੂੰ ਦੇਖਣ ਤੋਂ ਬਾਅਦ, ਇੰਟਰਨੈਟ ਉਪਭੋਗਤਾ ਭੰਬਲਭੂਸੇ ਵਿੱਚ ਸਨ ਕਿ ਉਹ ਵਿਅਕਤੀ ਅਸਲੀ ਰਜਨੀਕਾਂਤ ਹੈ ਜਾਂ ਉਸਦਾ ਡੁਪਲੀਕੇਟ ਹੈ। ਇਸ ਵੀਡੀਓ ਨੂੰ ਦੇਖਣ ਤੋਂ ਬਾਅਦ ਕਈ ਯੂਜ਼ਰਸ ਨੇ ਕਮੈਂਟ ਕੀਤੇ ਹਨ। ਜਿੱਥੇ ਇੱਕ ਨੇ ਲਿਖਿਆ ਕਿ ਉਹ ਪੂਰੀ ਤਰ੍ਹਾਂ ਰਜਨੀਕਾਂਤ ਵਰਗਾ ਲੱਗਦਾ ਹੈ। 72 ਸਾਲਾ ਸੁਪਰਸਟਾਰ ਰਜਨੀਕਾਂਤ ਦੀ ਗੱਲ ਕਰੀਏ ਤਾਂ ਉਹ ਜਲਦ ਹੀ ਆਪਣੀ ਬੇਟੀ ਐਸ਼ਵਰਿਆ ਦੀ ਫਿਲਮ ‘ਲਾਲ ਸਲਾਮ’ ‘ਚ ਨਜ਼ਰ ਆਉਣਗੇ, ਜੋ ਜਨਵਰੀ 2024 ‘ਚ ਰਿਲੀਜ਼ ਹੋ ਸਕਦੀ ਹੈ।