Viacom-18 ਨੇ 5963 ਕਰੋੜ ‘ਚ BCCI ਮੀਡੀਆ ਅਧਿਕਾਰ ਖਰੀਦੇ : ਭਾਰਤ ‘ਚ ਘਰੇਲੂ ਅਤੇ ਅੰਤਰਰਾਸ਼ਟਰੀ ਮੈਚ ਦਿਖਾਏਗਾ

ਕ੍ਰਿਕਬਜ਼ ਦੀ ਰਿਪੋਰਟ ਮੁਤਾਬਕ ਚੈਨਲ ਨੇ ਇਕ ਮੈਚ ਲਈ 67.8 ਕਰੋੜ ਰੁਪਏ ਦੀ ਬੋਲੀ ਲਗਾਈ ਸੀ, ਜੋ ਪਿਛਲੀ ਵਾਰ ਨਾਲੋਂ 7.8 ਕਰੋੜ ਰੁਪਏ ਜ਼ਿਆਦਾ ਸੀ।

ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (BCCI) ਨੇ ਮੀਡੀਆ ਅਧਿਕਾਰਾਂ ਲਈ ਈ-ਨਿਲਾਮੀ ਪ੍ਰਕਿਰਿਆ ਦਾ ਆਯੋਜਨ ਕੀਤਾ ਸੀ। ਜਿਸ ਵਿੱਚ ਵਾਇਆਕਾਮ-18 ਚੈਨਲ ਨੇ 5963 ਕਰੋੜ ਵਿੱਚ ਬੀਸੀਸੀਆਈ ਦੇ ਮੀਡੀਆ ਅਧਿਕਾਰ ਖਰੀਦੇ ਹਨ। ਜਿਸ ਦੀ ਸ਼ੁਰੂਆਤ ਆਸਟ੍ਰੇਲੀਆ ਨਾਲ ਵਨਡੇ ਸੀਰੀਜ਼ ਨਾਲ ਹੋਵੇਗੀ।

ਦਰਅਸਲ, ਹੁਣ ਤੱਕ ਬੀਸੀਸੀਆਈ ਦੇ ਮੀਡੀਆ ਅਧਿਕਾਰ ਸਟਾਰ ਸਪੋਰਟਸ ਨੈੱਟਵਰਕ ਕੋਲ ਸਨ, ਪਿਛਲੇ 11 ਸਾਲਾਂ ਤੋਂ ਇਨ੍ਹਾਂ ਚੈਨਲਾਂ ‘ਤੇ ਟੀਮ ਇੰਡੀਆ ਦੇ ਅੰਤਰਰਾਸ਼ਟਰੀ ਅਤੇ ਘਰੇਲੂ ਮੈਚ ਦਿਖਾਏ ਜਾ ਰਹੇ ਸਨ। ਪਰ ਹੁਣ Viacom 18 ਨੇ ਮੀਡੀਆ ਅਧਿਕਾਰ ਖਰੀਦ ਲਏ ਹਨ। Viacom 18 ਨੇ ਟੀਵੀ ਅਤੇ ਡਿਜੀਟਲ ਦੋਵੇਂ ਅਧਿਕਾਰ ਲਏ ਹਨ।

ਕ੍ਰਿਕਬਜ਼ ਦੀ ਰਿਪੋਰਟ ਮੁਤਾਬਕ ਚੈਨਲ ਨੇ ਇਕ ਮੈਚ ਲਈ 67.8 ਕਰੋੜ ਰੁਪਏ ਦੀ ਬੋਲੀ ਲਗਾਈ ਸੀ, ਜੋ ਪਿਛਲੀ ਵਾਰ ਨਾਲੋਂ 7.8 ਕਰੋੜ ਰੁਪਏ ਜ਼ਿਆਦਾ ਸੀ। BCCI ਅਤੇ Viacom 18 ਵਿਚਕਾਰ ਕਰਾਰ 2028 ਤੱਕ ਚੱਲੇਗਾ, ਦੋਵਾਂ ਵਿਚਾਲੇ ਪੰਜ ਸਾਲ ਦਾ ਸਮਝੌਤਾ ਹੋਇਆ ਹੈ। ਇਸ ਦੌਰਾਨ ਟੀਮ ਇੰਡੀਆ ਦੇ 88 ਮੈਚ ਦਿਖਾਏ ਜਾਣਗੇ। ਇਹ ਸਮਝੌਤਾ ਮਾਰਚ 2028 ਵਿੱਚ ਖਤਮ ਹੋ ਜਾਵੇਗਾ। ਇਸਦਾ ਮਤਲਬ ਹੈ ਕਿ ਹੁਣ ਹਰ ਕੋਈ ਜੀਓ ਸਿਨੇਮਾ ਐਪ ‘ਤੇ ਟੀਮ ਇੰਡੀਆ ਦੇ ਘਰੇਲੂ ਮੈਚਾਂ ਦੀ ਲਾਈਵ ਸਟ੍ਰੀਮਿੰਗ ਦੇਖ ਸਕੇਗਾ।

ਬੀਸੀਸੀਆਈ ਸਕੱਤਰ ਜੈ ਸ਼ਾਹ ਨੇ ਵੀ ਟਵੀਟ ਕਰਕੇ ਵਾਇਕਾਮ 18 ਨੂੰ ਮੀਡੀਆ ਅਧਿਕਾਰ ਮਿਲਣ ਲਈ ਵਧਾਈ ਦਿੱਤੀ ਹੈ। ਜਦਕਿ ਉਨ੍ਹਾਂ ਨੇ ਹੌਟਸਟਾਰ ਵੀ ਦਾ ਧੰਨਵਾਦ ਕੀਤਾ ਹੈ। ਇਹ ਸੌਦਾ 5963 ਕਰੋੜ ਰੁਪਏ ਦਾ ਦੱਸਿਆ ਜਾਂਦਾ ਹੈ। ਜਿਸ ਕਾਰਨ ਬੀਸੀਸੀਆਈ ਨੂੰ ਵੱਡਾ ਫਾਇਦਾ ਹੁੰਦਾ ਨਜ਼ਰ ਆ ਰਿਹਾ ਹੈ। ਬੀਸੀਸੀਆਈ ਨੇ ਮੀਡੀਆ ਅਧਿਕਾਰਾਂ ਲਈ ਈ-ਨਿਲਾਮੀ ਕਰਵਾਈ ਸੀ । ਇਸ ਤਹਿਤ ਮੀਡੀਆ ਅਧਿਕਾਰਾਂ ਨੂੰ ਦੋ ਪੈਕੇਜਾਂ ਵਿੱਚ ਵੇਚਿਆ ਗਿਆ ਸੀ। ਇਹਨਾਂ ਵਿੱਚੋਂ, ਪੈਕੇਜ-ਏ ਟੀਵੀ ਲਈ ਹੈ, ਜਦੋਂ ਕਿ ਪੈਕੇਜ-ਬੀ ਡਿਜੀਟਲ ਅਤੇ ਵਿਸ਼ਵ ਪ੍ਰਸਾਰਣ ਅਧਿਕਾਰਾਂ ਲਈ ਸੀ। ਪ੍ਰਸਾਰਣ ਚੱਕਰ ਸਤੰਬਰ 2023 ਤੋਂ ਮਾਰਚ 2028 ਤੱਕ ਰਹੇਗਾ।