ਵਿਰਾਟ ਕੋਹਲੀ 22 ਜਨਵਰੀ ਨੂੰ ਅਯੁੱਧਿਆ ਜਾ ਕਰਨਗੇ ਰਾਮ ਲੱਲਾ ਦੇ ਦਰਸ਼ਨ, ਟ੍ਰੇਨਿੰਗ ਸੈਸ਼ਨ ਤੋਂ ਇੱਕ ਦਿਨ ਦੀ ਛੁੱਟੀ ਮੰਗੀ

ਵਿਰਾਟ ਨੂੰ ਰਾਮ ਲੱਲਾ ਦੇ ਪਵਿੱਤਰ ਸਮਾਰੋਹ ਵਿੱਚ ਸ਼ਾਮਲ ਹੋਣ ਲਈ ਅਧਿਕਾਰਤ ਸੱਦਾ ਭੇਜਿਆ ਗਿਆ ਸੀ। ਉਨ੍ਹਾਂ ਦੇ ਨਾਲ ਸਾਬਕਾ ਭਾਰਤੀ ਕ੍ਰਿਕਟਰ ਸਚਿਨ ਤੇਂਦੁਲਕਰ ਅਤੇ ਮਹਿੰਦਰ ਸਿੰਘ ਧੋਨੀ ਨੂੰ ਵੀ ਅਯੁੱਧਿਆ ਆਉਣ ਦਾ ਸੱਦਾ ਮਿਲਿਆ ਹੈ।

ਰਾਮ ਮੰਦਿਰ ਕਮੇਟੀ ਵਲੋਂ ਲਗਾਤਾਰ ਲੋਕਾਂ ਨੂੰ ਪ੍ਰਾਨ ਪ੍ਰਤਿਸ਼ਠਾ ਪ੍ਰੋਗਰਾਮ ਲਈ ਸੱਦਾ ਦਿਤਾ ਜਾ ਰਿਹਾ ਹੈ। ਵਿਰਾਟ ਕੋਹਲੀ 22 ਜਨਵਰੀ ਨੂੰ ਰਾਮ ਮੰਦਰ ਦੇ ਪਵਿੱਤਰ ਸਮਾਰੋਹ ਵਿੱਚ ਸ਼ਾਮਲ ਹੋਣ ਲਈ ਅਯੁੱਧਿਆ ਜਾਣਗੇ। ਉਹ ਟੀਮ ਇੰਡੀਆ ਦੇ ਟ੍ਰੇਨਿੰਗ ਸੈਸ਼ਨ ਤੋਂ ਇਕ ਦਿਨ ਦਾ ਬ੍ਰੇਕ ਲੈ ਕੇ ਅਯੁੱਧਿਆ ਪਹੁੰਚਣਗੇ। ਵਿਰਾਟ 23 ਨੂੰ ਫਿਰ ਤੋਂ ਟੀਮ ਇੰਡੀਆ ਨਾਲ ਜੁੜਣਗੇ।

ਟੀਮ ਇੰਡੀਆ ਦਾ ਟਰੇਨਿੰਗ ਸੈਸ਼ਨ 20 ਜਨਵਰੀ ਤੋਂ ਹੈਦਰਾਬਾਦ ‘ਚ ਸ਼ੁਰੂ ਹੋਵੇਗਾ। ਟੀਮ ਇੱਥੇ 4 ਦਿਨ ਅਭਿਆਸ ਕਰੇਗੀ। ਇੰਗਲੈਂਡ ਦੀ ਟੀਮ 21 ਨੂੰ ਹੈਦਰਾਬਾਦ ਪਹੁੰਚੇਗੀ। ਦੋਵਾਂ ਵਿਚਾਲੇ 5 ਟੈਸਟ ਮੈਚਾਂ ਦੀ ਸੀਰੀਜ਼ ਦਾ ਪਹਿਲਾ ਮੈਚ 25 ਜਨਵਰੀ ਤੋਂ ਖੇਡਿਆ ਜਾਵੇਗਾ। ਟੀਮ ਇੰਡੀਆ 20 ਤੋਂ 23 ਜਨਵਰੀ ਤੱਕ ਹੈਦਰਾਬਾਦ ‘ਚ ਟਰੇਨਿੰਗ ਸੈਸ਼ਨ ਕਰੇਗੀ। 24 ਨੂੰ ਬ੍ਰੇਕ ਤੋਂ ਬਾਅਦ ਟੀਮ 25 ਨੂੰ ਪਹਿਲਾ ਮੈਚ ਖੇਡੇਗੀ। ਵਿਰਾਟ ਕੋਹਲੀ ਸਮੇਤ ਭਾਰਤ ਦੀ ਟੈਸਟ ਟੀਮ ਦੇ ਸਾਰੇ ਖਿਡਾਰੀ ਅਤੇ ਸਹਿਯੋਗੀ ਸਟਾਫ ਇਸ ਦੌਰਾਨ ਹੈਦਰਾਬਾਦ ‘ਚ ਹੀ ਰਹਿਣਗੇ।

ਕ੍ਰਿਕਬਜ਼ ਦੀ ਰਿਪੋਰਟ ਮੁਤਾਬਕ ਵਿਰਾਟ ਕੋਹਲੀ 21 ਜਨਵਰੀ ਨੂੰ ਟ੍ਰੇਨਿੰਗ ਤੋਂ ਬਾਅਦ ਇਕ ਦਿਨ ਦਾ ਬ੍ਰੇਕ ਲੈਣਗੇ। ਉਨ੍ਹਾਂ ਨੇ ਅਯੁੱਧਿਆ ਵਿੱਚ ਰਾਮ ਮੰਦਰ ਦੇ ਉਦਘਾਟਨ ਸਮਾਰੋਹ ਵਿੱਚ ਸ਼ਾਮਲ ਹੋਣ ਲਈ ਬੀਸੀਸੀਆਈ ਤੋਂ ਬਰੇਕ ਮੰਗੀ, ਜਿਸਨੂੰ ਮਨਜ਼ੂਰੀ ਦੇ ਦਿੱਤੀ ਗਈ ਹੈ। ਵਿਰਾਟ ਨੂੰ ਰਾਮ ਲੱਲਾ ਦੇ ਪਵਿੱਤਰ ਸਮਾਰੋਹ ਵਿੱਚ ਸ਼ਾਮਲ ਹੋਣ ਲਈ ਅਧਿਕਾਰਤ ਸੱਦਾ ਭੇਜਿਆ ਗਿਆ ਸੀ। ਉਨ੍ਹਾਂ ਦੇ ਨਾਲ ਸਾਬਕਾ ਭਾਰਤੀ ਕ੍ਰਿਕਟਰ ਸਚਿਨ ਤੇਂਦੁਲਕਰ ਅਤੇ ਮਹਿੰਦਰ ਸਿੰਘ ਧੋਨੀ ਨੂੰ ਵੀ ਅਯੁੱਧਿਆ ਜਾਣ ਦਾ ਸੱਦਾ ਮਿਲਿਆ ਹੈ।

ਰਵਿੰਦਰ ਜਡੇਜਾ ਟਰੇਨਿੰਗ ਸੈਸ਼ਨ ਲਈ ਬੈਂਗਲੁਰੂ ਸਥਿਤ ਨੈਸ਼ਨਲ ਕ੍ਰਿਕਟ ਅਕੈਡਮੀ (NCA) ਪਹੁੰਚ ਗਏ ਹਨ। ਉਹ ਅਫਗਾਨਿਸਤਾਨ ਖਿਲਾਫ ਚੱਲ ਰਹੀ ਟੀ-20 ਸੀਰੀਜ਼ ‘ਚ ਟੀਮ ਇੰਡੀਆ ਦਾ ਹਿੱਸਾ ਨਹੀਂ ਹੈ। ਉਹ 20 ਜਨਵਰੀ ਨੂੰ ਸਿੱਧੇ ਟੀਮ ਨਾਲ ਜੁੜ ਜਾਵੇਗਾ। ਖਬਰਾਂ ਮੁਤਾਬਕ ਜਡੇਜਾ ਨੇ NCA ਪਹੁੰਚਣ ਲਈ ਆਪਣੀ ਐਡ ਦੀ ਸ਼ੂਟਿੰਗ ਛੱਡਣ ਦਾ ਫੈਸਲਾ ਕੀਤਾ ਹੈ। ਟੈਸਟ ਸੀਰੀਜ਼ ਦੀ ਤਿਆਰੀ ਲਈ ਉਸ ਨੇ ਵਿਗਿਆਪਨ ਸ਼ੂਟ ਅਤੇ ਹਰ ਤਰ੍ਹਾਂ ਦੇ ਇਸ਼ਤਿਹਾਰ ਮੁਲਤਵੀ ਕਰ ਦਿੱਤੇ।

ਇੰਗਲੈਂਡ ਦੀ ਟੈਸਟ ਟੀਮ ਫਿਲਹਾਲ ਅਬੂ ਧਾਬੀ, ਯੂਏਈ ਵਿੱਚ ਤਿਆਰੀ ਕਰ ਰਹੀ ਹੈ। ਇੱਥੇ ਤਿਆਰੀ ਕਰਦੇ ਹੋਏ ਟੀਮ ਨੇ 2022 ‘ਚ ਪਾਕਿਸਤਾਨ ਨੂੰ ਟੈਸਟ ਸੀਰੀਜ਼ ‘ਚ 3-0 ਨਾਲ ਹਰਾਇਆ ਸੀ। ਹਾਲਾਂਕਿ ਭਾਰਤ ਦੇ ਖਿਲਾਫ ਸੀਰੀਜ਼ ਲਈ ਤਿਆਰੀਆਂ ਨੂੰ ਲੈ ਕੇ ਇੰਗਲਿਸ਼ ਟੀਮ ਦੀ ਆਲੋਚਨਾ ਹੋ ਰਹੀ ਹੈ। ਸਾਬਕਾ ਇੰਗਲਿਸ਼ ਤੇਜ਼ ਗੇਂਦਬਾਜ਼ ਸਟੀਵ ਹਰਮਿਸ਼ ਨੇ ਕਿਹਾ ਕਿ ਇੰਗਲੈਂਡ ‘ਤੇ 5-0 ਦੀ ਸੀਰੀਜ਼ ਦੀ ਹਾਰ ਦਾ ਖਤਰਾ ਹੈ ਅਤੇ ਟੀਮ ਤਿਆਰੀਆਂ ਨੂੰ ਗੰਭੀਰਤਾ ਨਾਲ ਨਹੀਂ ਲੈ ਰਹੀ ਹੈ।