World Arthritis Day : ਚੰਗੀ ਜੀਵਨ ਸ਼ੈਲੀ ਅਤੇ ਨਿਯਮਤ ਕਸਰਤ ਨਾਲ ਠੀਕ ਹੋ ਸਕਦੀ ਹੈ ਗਠੀਆ ਦੀ ਬਿਮਾਰੀ

ਸਿਗਰਟਨੋਸ਼ੀ ਇੱਕ ਅਜਿਹਾ ਕਾਰਨ ਹੈ ਜਿਸ ਨਾਲ ਗਠੀਏ ਦੀ ਗਤੀ 5 ਗੁਣਾ ਵੱਧ ਜਾਂਦੀ ਹੈ। ਡਾਕਟਰੀ ਤੌਰ ‘ਤੇ ਇਹ ਵੀ ਸਾਬਤ ਹੋ ਚੁੱਕਾ ਹੈ ਕਿ ਸਿਗਰਟ ਪੀਣ ਨਾਲ ਗਠੀਆ ਜ਼ਿਆਦਾ ਗੰਭੀਰ ਹੋ ਜਾਂਦਾ ਹੈ ਅਤੇ ਇਹ ਸਰੀਰ ਦੇ ਵਿਰੁੱਧ ਕੰਮ ਕਰਨ ਵਾਲੇ ਐਂਟੀਬਾਡੀਜ਼ ਬਣਾਉਂਦੇ ਹਨ ਅਤੇ ਇਸ ਕਾਰਨ ਦਿਲ ਨਾਲ ਸਬੰਧਤ ਵਿਕਾਰ ਵੀ ਵਧ ਜਾਂਦੇ ਹਨ।

‘ਵਿਸ਼ਵ ਗਠੀਆ ਦਿਵਸ’ ਹਰ ਸਾਲ 12 ਅਕਤੂਬਰ ਨੂੰ ਮਨਾਇਆ ਜਾਂਦਾ ਹੈ। ਇਸ ਬਿਮਾਰੀ ਦਾ ਕੋਈ ਸਥਾਈ ਇਲਾਜ ਨਹੀਂ ਹੈ, ਪਰ ਤੁਸੀਂ ਚੰਗੀ ਜੀਵਨ ਸ਼ੈਲੀ ਅਤੇ ਨਿਯਮਤ ਕਸਰਤ ਨਾਲ ਇਸ ਨੂੰ ਠੀਕ ਕਰ ਸਕਦੇ ਹੋ ਜਾਂ ਇਸ ਨੂੰ ਵਧਣ ਤੋਂ ਰੋਕ ਸਕਦੇ ਹੋ। ਗਠੀਏ ਦੇ ਸਹੀ ਕਾਰਨਾਂ ਦਾ ਪਤਾ ਲਗਾਉਣਾ ਜ਼ਰੂਰੀ ਹੈ ਕਿਉਂਕਿ ਗਠੀਆ ਰੋਗ ਦੀਆਂ 50 ਤੋਂ ਵੱਧ ਕਿਸਮਾਂ ਹਨ।

ਬੇਸ਼ੱਕ, ਇਹ ਸੱਚ ਹੈ ਕਿ ਗਠੀਆ ਇੱਕ ਲਾਇਲਾਜ ਬਿਮਾਰੀ ਹੈ ਪਰ ਅਸੀਂ ਆਪਣੀ ਜੀਵਨ ਸ਼ੈਲੀ ਵਿੱਚ ਕੁਝ ਬਦਲਾਅ ਕਰ ਸਕਦੇ ਹਾਂ ਜਿਸ ਨਾਲ ਇਸ ਨੂੰ ਹੋਰ ਗੰਭੀਰ ਹੋਣ ਤੋਂ ਰੋਕਿਆ ਜਾ ਸਕਦਾ ਹੈ। ਦਰਅਸਲ, ਜੋੜਾਂ ਦੀ ਸਿਹਤ ਲਈ, ਜੀਵਨਸ਼ੈਲੀ ਵਿੱਚ ਬਦਲਾਅ ਲਿਆਉਣਾ ਦਵਾਈਆਂ ਜਿੰਨਾ ਹੀ ਜ਼ਰੂਰੀ ਹੈ ਤਾਂ ਕਿ ਰੋਗ ਜ਼ਿਆਦਾ ਗੰਭੀਰ ਨਾ ਹੋ ਜਾਵੇ ਅਤੇ ਗਠੀਏ ਨਾਲ ਜੁੜੇ ਕਾਰਡੀਓਵੈਸਕੁਲਰ ਜੋਖਮ ਨੂੰ ਵੀ ਘੱਟ ਕੀਤਾ ਜਾ ਸਕੇ।

ਕਾਰਪੋਰੇਟ ਕਲਚਰ ਦੇ ਨਾਲ-ਨਾਲ ਨੌਜਵਾਨਾਂ ਦੇ ਕੰਮ ਦੇ ਘੰਟੇ ਵੀ ਕਾਫੀ ਵਧ ਗਏ ਹਨ, ਜਿਸ ਕਾਰਨ ਉਨ੍ਹਾਂ ਨੂੰ ਲੰਬੇ ਸਮੇਂ ਤੱਕ ਸਕਰੀਨ ਦੇ ਸਾਹਮਣੇ ਰਹਿਣਾ ਪੈਂਦਾ ਹੈ। ਅਜਿਹੀ ਸਥਿਤੀ ‘ਚ ਸਰਵਾਈਕਲ ਸਪੌਂਡਿਲਾਈਟਿਸ ਅਤੇ ਜੋੜਾਂ ਦੇ ਅਕੜਾਅ ਦੀ ਸਮੱਸਿਆ ਸਮੇਂ ਤੋਂ ਪਹਿਲਾਂ ਸਿਰ ਚੁੱਕ ਲੈਂਦੀ ਹੈ। ਇਸ ਲਈ ਆਪਣੀ ਰੋਜ਼ਾਨਾ ਰੁਟੀਨ ਵਿੱਚ 30 ਤੋਂ 40 ਮਿੰਟ ਦੀ ਐਰੋਬਿਕ ਕਸਰਤ ਸ਼ਾਮਲ ਕਰੋ।

ਇਸ ਦੇ ਲਈ ਭਾਵੇਂ ਤੁਸੀਂ ਸਾਈਕਲਿੰਗ ਕਰ ਸਕਦੇ ਹੋ, ਤੈਰਾਕੀ ਕਰ ਸਕਦੇ ਹੋ ਜਾਂ ਤੇਜ਼ ਸੈਰ ਕਰ ਸਕਦੇ ਹੋ, ਇਨ੍ਹਾਂ ਨੂੰ ਹਰ ਰੋਜ਼ ਨਿਯਮਿਤ ਰੂਪ ਨਾਲ ਕਰੋ। ਕਸਰਤ ਨਾ ਸਿਰਫ ਖੂਨ ਸੰਚਾਰ ਨੂੰ ਵਧਾਉਂਦੀ ਹੈ, ਬਲਕਿ ਇਹ ਸਾਡੇ ਜੋੜਾਂ ਲਈ ਵੀ ਵਧੀਆ ਹੈ ਅਤੇ ਮਾਸਪੇਸ਼ੀਆਂ ਦੀ ਤਾਕਤ ਵੀ ਵਧਾਉਂਦੀ ਹੈ। ਸਿਗਰਟਨੋਸ਼ੀ ਇੱਕ ਅਜਿਹਾ ਕਾਰਨ ਹੈ ਜਿਸ ਨਾਲ ਗਠੀਏ ਦੀ ਗਤੀ 5 ਗੁਣਾ ਵੱਧ ਜਾਂਦੀ ਹੈ। ਡਾਕਟਰੀ ਤੌਰ ‘ਤੇ ਇਹ ਵੀ ਸਾਬਤ ਹੋ ਚੁੱਕਾ ਹੈ ਕਿ ਸਿਗਰਟ ਪੀਣ ਨਾਲ ਗਠੀਆ ਜ਼ਿਆਦਾ ਗੰਭੀਰ ਹੋ ਜਾਂਦਾ ਹੈ ਅਤੇ ਇਹ ਸਰੀਰ ਦੇ ਵਿਰੁੱਧ ਕੰਮ ਕਰਨ ਵਾਲੇ ਐਂਟੀਬਾਡੀਜ਼ ਬਣਾਉਂਦੇ ਹਨ ਅਤੇ ਇਸ ਕਾਰਨ ਦਿਲ ਨਾਲ ਸਬੰਧਤ ਵਿਕਾਰ ਵੀ ਵਧ ਜਾਂਦੇ ਹਨ। ਗਠੀਏ ਦੇ ਮਰੀਜ਼ਾਂ ਨੂੰ ਸਿਗਰਟਨੋਸ਼ੀ ਬੰਦ ਕਰਨ ਅਤੇ ਵਧੇਰੇ ਸਿਹਤਮੰਦ ਜੀਵਨ ਸ਼ੈਲੀ ਅਪਣਾਉਣ ਦੀ ਸਲਾਹ ਦਿੱਤੀ ਜਾਂਦੀ ਹੈ।