ਕਰਾਚੀ ਦੁਨੀਆ ਦਾ ਸਭ ਤੋਂ ਮਾੜਾ ਸ਼ਹਿਰ, ਵਿਆਨਾ ਸ਼ਹਿਰ ਦੁਨੀਆਂ ਦਾ ਸਭ ਤੋਂ ਵਧੀਆ ਰਹਿਣ ਯੋਗ ਸ਼ਹਿਰ

ਜਿਨ੍ਹਾਂ ਸ਼ਹਿਰਾਂ ਨੂੰ ਮਾੜਾ ਦੱਸਿਆ ਗਿਆ ਹੈ, ਉਨ੍ਹਾਂ ਵਿਚ ਪਾਕਿਸਤਾਨ ਦਾ ਕਰਾਚੀ ਹੈ, ਜੋ 169ਵੇਂ ਨੰਬਰ ‘ਤੇ ਹੈ। ਇਸ ਦੇ ਨਾਲ ਹੀ ਪਾਪੂਆ ਨਿਊ ਗਿਨੀ ਦਾ ਪੋਰਟ ਮੋਰੇਸਬੀ 168ਵੇਂ ਅਤੇ ਬੰਗਲਾਦੇਸ਼ ਦਾ ਢਾਕਾ 167ਵੇਂ ਸਥਾਨ ‘ਤੇ ਹੈ।

ਇਸ ਦੁਨੀਆ ਵਿਚ ਕਈ ਦੇਸ਼ਾਂ ਦੀ ਹਾਲਤ ਬਹੁਤ ਖ਼ਰਾਬ ਹੈ ਅਤੇ ਉਥੇ ਜ਼ਿੰਦਗੀ ਕੱਟਣਾ ਬਹੁਤ ਜ਼ਿਆਦਾ ਮੁਸ਼ਕਿਲ ਹੈ। ਇਸ ਦੌਰਾਨ ਏਸ਼ੀਆ ਪ੍ਰਸ਼ਾਂਤ ਖੇਤਰ ਦੇ ਦੇਸ਼ਾਂ ਵਿੱਚ ਰਹਿਣ ਯੋਗ ਸ਼ਹਿਰਾਂ ਦੀ ਸੂਚੀ ਜਾਰੀ ਕੀਤੀ ਗਈ ਹੈ। ਪਾਕਿਸਤਾਨ ਇਸ ਸੂਚੀ ਵਿੱਚ ਭਾਰਤ ਤੋਂ ਕਾਫੀ ਪਿੱਛੇ ਹੈ। ਏਸ਼ੀਆ ਪੈਸੀਫਿਕ (APAC) ਦੀ ਸੂਚੀ ਵਿੱਚ 173 ਸ਼ਹਿਰਾਂ ਦੇ ਨਾਂ ਸ਼ਾਮਲ ਹਨ। ਇਸ ਵਿੱਚ ਆਸਟਰੀਆ ਦੀ ਰਾਜਧਾਨੀ ਵਿਆਨਾ ਨੂੰ ਰਹਿਣ ਲਈ ਸਭ ਤੋਂ ਵਧੀਆ ਸ਼ਹਿਰ ਦੱਸਿਆ ਗਿਆ ਹੈ।

ਦੂਜੇ ਪਾਸੇ ਕਰਾਚੀ, ਜੋ ਕਿ ਪਾਕਿਸਤਾਨ ਦਾ ਇੱਕ ਸ਼ਹਿਰ ਹੈ, ਨੂੰ ਸਭ ਤੋਂ ਖ਼ਰਾਬ ਸ਼ਹਿਰਾਂ ਵਿੱਚ ਦਰਜਾ ਦਿੱਤਾ ਗਿਆ ਹੈ। ਸ਼ਹਿਰਾਂ ਨੂੰ ਸਿਹਤ, ਸਿੱਖਿਆ, ਸਥਿਰਤਾ, ਬੁਨਿਆਦੀ ਢਾਂਚਾ ਅਤੇ ਵਾਤਾਵਰਣ ਸਮੇਤ ਕਈ ਮਹੱਤਵਪੂਰਨ ਕਾਰਕਾਂ ਦੇ ਆਧਾਰ ‘ਤੇ ਦਰਜਾ ਦਿੱਤਾ ਗਿਆ ਸੀ। ਦੁਨੀਆ ਦੇ ਇਨ੍ਹਾਂ 173 ਸਭ ਤੋਂ ਵੱਧ ਰਹਿਣ ਯੋਗ ਦੇਸ਼ਾਂ ਦੀ ਸੂਚੀ ਵਿੱਚ ਭਾਰਤ ਦੇ 4 ਸ਼ਹਿਰਾਂ ਨੂੰ ਸ਼ਾਮਲ ਕੀਤਾ ਗਿਆ ਹੈ। ਇਨ੍ਹਾਂ ਵਿੱਚ ਬੈਂਗਲੁਰੂ, ਚੇਨਈ, ਨਵੀਂ ਦਿੱਲੀ ਅਤੇ ਮੁੰਬਈ ਸ਼ਾਮਲ ਹਨ। ਹਾਲਾਂਕਿ, ਪਾਕਿਸਤਾਨ ਦੇ ਸ਼ਹਿਰ ਇਸ ਸੂਚੀ ਵਿੱਚ ਬਹੁਤ ਹੇਠਾਂ ਦਿਖਾਈ ਦਿੱਤੇ ਹਨ।

ਇਕਨਾਮਿਸਟ ਦੀ ਰਿਪੋਰਟ ਮੁਤਾਬਕ ਡੈਨਮਾਰਕ ਦੇ ਕੋਪਨਹੇਗਨ ਨੇ ਵੀਏਨਾ ਤੋਂ ਬਾਅਦ ਦੂਜਾ ਸਥਾਨ ਬਰਕਰਾਰ ਰੱਖਿਆ ਹੈ। ਇਸ ਦੇ ਨਾਲ ਹੀ ਆਸਟ੍ਰੇਲੀਆ ਦੇ ਮੈਲਬੋਰਨ ਅਤੇ ਸਿਡਨੀ ਸੂਚੀ ਵਿਚ ਤੀਜੇ ਅਤੇ ਚੌਥੇ ਸਥਾਨ ‘ਤੇ ਹਨ। ਇਸ ਦੇ ਨਾਲ ਹੀ ਕੈਨੇਡਾ ਦੇ ਤਿੰਨ ਸ਼ਹਿਰ ਚੋਟੀ ਦੇ 10 ਵਿੱਚ ਸ਼ਾਮਲ ਹਨ। ਜਾਪਾਨ ਦੀ ਓਸਾਕਾ ਨੇ 10ਵਾਂ ਸਥਾਨ ਹਾਸਲ ਕੀਤਾ ਹੈ।

ਰਿਪੋਰਟ ਮੁਤਾਬਕ ਸਭ ਤੋਂ ਘੱਟ ਰਹਿਣ ਯੋਗ ਸ਼ਹਿਰ ਸੀਰੀਆ ਦੀ ਰਾਜਧਾਨੀ ਦਮਿਸ਼ਕ ਹੈ। ਇਹ 10 ਸਾਲਾਂ ਤੋਂ ਵੱਧ ਸਮੇਂ ਤੋਂ ਆਪਣੀ ਸਥਿਤੀ ਨੂੰ ਕਾਇਮ ਰੱਖ ਰਿਹਾ ਹੈ। ਇਸ ਤੋਂ ਇਲਾਵਾ ਜਿਨ੍ਹਾਂ ਸ਼ਹਿਰਾਂ ਨੂੰ ਬੁਰਾ ਦੱਸਿਆ ਗਿਆ ਹੈ, ਉਨ੍ਹਾਂ ਵਿਚ ਪਾਕਿਸਤਾਨ ਦਾ ਕਰਾਚੀ ਹੈ, ਜੋ 169ਵੇਂ ਨੰਬਰ ‘ਤੇ ਹੈ। ਇਸ ਦੇ ਨਾਲ ਹੀ ਪਾਪੂਆ ਨਿਊ ਗਿਨੀ ਦਾ ਪੋਰਟ ਮੋਰੇਸਬੀ 168ਵੇਂ ਅਤੇ ਬੰਗਲਾਦੇਸ਼ ਦਾ ਢਾਕਾ 167ਵੇਂ ਸਥਾਨ ‘ਤੇ ਹੈ। ਰਿਪੋਰਟ ਦੇ ਅਨੁਸਾਰ, ਚਾਰ ਭਾਰਤੀ ਸ਼ਹਿਰ ਨਵੀਂ ਦਿੱਲੀ, ਮੁੰਬਈ, ਚੇਨਈ ਅਤੇ ਬੈਂਗਲੁਰੂ ਏਸ਼ੀਆ-ਪ੍ਰਸ਼ਾਂਤ ਸ਼ਹਿਰਾਂ ਵਿੱਚ 45ਵੇਂ ਤੋਂ 50ਵੇਂ ਸਥਾਨ ‘ਤੇ ਹਨ। ਰੈਂਕਿੰਗ ਦੇ ਹੇਠਾਂ ਖਿਸਕਣ ਵਾਲੇ 10 ਸ਼ਹਿਰਾਂ ਵਿੱਚੋਂ ਤਿੰਨ ਯੂਕੇ ਦੇ ਐਡਿਨਬਰਗ, ਮੈਨਚੈਸਟਰ ਅਤੇ ਲੰਡਨ ਸਨ ਅਤੇ ਦੋ ਅਮਰੀਕਾ ਦੇ ਲਾਸ ਏਂਜਲਸ ਅਤੇ ਚਿਲੀ ਦੀ ਰਾਜਧਾਨੀ ਸੈਨ ਡਿਏਗੋ ਸਨ। ਲੰਡਨ ਇਕ ਸਾਲ ਪਹਿਲਾਂ ਦੇ ਮੁਕਾਬਲੇ 12 ਸਥਾਨ ਡਿੱਗ ਕੇ 46ਵੇਂ ਅਤੇ ਨਿਊਯਾਰਕ 10 ਸਥਾਨ ਡਿੱਗ ਕੇ 69ਵੇਂ ਸਥਾਨ ‘ਤੇ ਹੈ।