‘ਕੈਪਟਨ ਮਾਰਵਲ’ ਦੇ ਅਦਾਕਾਰ ਕੇਨੇਥ ਮਿਸ਼ੇਲ ਦਾ ਹੋਇਆ ਦਿਹਾਂਤ, ਪਿਛਲੇ ਸਾਢੇ 5 ਸਾਲਾਂ ਤੋਂ ਭਿਆਨਕ ਬਿਮਾਰੀ ਨਾਲ ਜੂਝ ਰਿਹਾ ਸੀ ਅਦਾਕਾਰ

‘ਸਟਾਰ ਟ੍ਰੈਕ, ‘ਡਿਸਕਵਰੀ’ ਅਤੇ ‘ਕੈਪਟਨ ਮਾਰਵਲ’ ਵਰਗੀਆਂ ਫਿਲਮਾਂ ‘ਚ ਆਪਣੀ ਸ਼ਾਨਦਾਰ ਅਦਾਕਾਰੀ ਨਾਲ ਸਾਰਿਆਂ ਦਾ ਦਿਲ ਜਿੱਤਣ ਵਾਲਾ ਇਹ ਅਭਿਨੇਤਾ ਐਮੀਓਟ੍ਰੋਫਿਕ ਲੇਟਰਲ ਸਕਲੇਰੋਸਿਸ (ਏ.ਐੱਲ.ਐੱਸ.) ਨਾਲ ਆਪਣੀ ਜ਼ਿੰਦਗੀ ਦੀ ਲੜਾਈ ਹਾਰ ਗਿਆ।

‘ਕੈਪਟਨ ਮਾਰਵਲ’ ਸੀਰੀਜ਼ ਭਾਰਤ ਵਿਚ ਵੀ ਬਹੁਤ ਮਸ਼ਹੂਰ ਹੈ। ਕੈਪਟਨ ਮਾਰਵਲ ਫਿਲਮਾਂ ਲਈ ਮਸ਼ਹੂਰ ਹਾਲੀਵੁੱਡ ਅਦਾਕਾਰ ਕੇਨੇਥ ਮਿਸ਼ੇਲ ਸਾਡੇ ਵਿੱਚ ਨਹੀਂ ਰਹੇ। ਉਹ 49 ਸਾਲ ਦੀ ਉਮਰ ਵਿੱਚ 24 ਫਰਵਰੀ ਦਿਨ ਐਤਵਾਰ ਨੂੰ ਇਸ ਸੰਸਾਰ ਨੂੰ ਸਦਾ ਲਈ ਅਲਵਿਦਾ ਕਹਿ ਗਏ।

‘ਸਟਾਰ ਟ੍ਰੈਕ: ਡਿਸਕਵਰੀ’ ਅਤੇ ‘ਕੈਪਟਨ ਮਾਰਵਲ’ ਵਰਗੀਆਂ ਫਿਲਮਾਂ ‘ਚ ਆਪਣੀ ਸ਼ਾਨਦਾਰ ਅਦਾਕਾਰੀ ਨਾਲ ਸਾਰਿਆਂ ਦਾ ਦਿਲ ਜਿੱਤਣ ਵਾਲਾ ਇਹ ਅਭਿਨੇਤਾ ਐਮੀਓਟ੍ਰੋਫਿਕ ਲੇਟਰਲ ਸਕਲੇਰੋਸਿਸ (ਏ.ਐੱਲ.ਐੱਸ.) ਨਾਲ ਆਪਣੀ ਲੜਾਈ ਹਾਰ ਗਿਆ। ਅਭਿਨੇਤਾ ਦੇ ਪਰਿਵਾਰ ਨੇ ਇਹ ਦੁਖਦ ਖਬਰ ਆਪਣੇ ਪ੍ਰਸ਼ੰਸਕਾਂ ਨਾਲ ਸਾਂਝੀ ਕੀਤੀ ਹੈ। ਇਹ ਦੁਖਦਾਈ ਖਬਰ ਅਦਾਕਾਰ ਦੇ ਵੈਰੀਫਾਈਡ ਇੰਸਟਾਗ੍ਰਾਮ ਪੋਸਟ ‘ਤੇ ਸ਼ੇਅਰ ਕੀਤੀ ਗਈ ਹੈ। ਇਸ ਪੋਸਟ ‘ਚ ਲਿਖਿਆ ਗਿਆ ਹੈ, ‘ਭਰੇ ਦਿਲ ਅਤੇ ਉਦਾਸੀ ਦੇ ਨਾਲ ਅਸੀਂ ਤੁਹਾਨੂੰ ਸਾਰਿਆਂ ਨੂੰ ਦੱਸਣਾ ਚਾਹੁੰਦੇ ਹਾਂ ਕਿ ਇਕ ਸ਼ਾਨਦਾਰ ਪਿਤਾ, ਚੰਗੇ ਪਤੀ ਅਤੇ ਭਰਾ, ਚਾਚਾ, ਪੁੱਤਰ ਅਤੇ ਦੋਸਤ ਕੈਨੇਥ ਅਲੈਗਜ਼ੈਂਡਰ ਮਿਸ਼ੇਲ ਨਹੀਂ ਰਹੇ।’

ਇਸ ਪੋਸਟ ਵਿੱਚ ਦੱਸਿਆ ਗਿਆ ਹੈ ਕਿ ਕੇਨ ਕਰੀਬ ਸਾਢੇ 5 ਸਾਲਾਂ ਤੋਂ ALS ਤੋਂ ਪੀੜਤ ਸਨ। ਇਸ ਪੋਸਟ ‘ਚ ਅਭਿਨੇਤਾ ਲਈ ਲਿਖਿਆ ਗਿਆ ਹੈ ਕਿ ਉਹ ਉਨ੍ਹਾਂ ਲੋਕਾਂ ‘ਚੋਂ ਇਕ ਸਨ ਜੋ ਇਸ ਸਿਧਾਂਤ ‘ਤੇ ਚੱਲਦੇ ਸਨ ਕਿ ਹਰ ਦਿਨ ਇਕ ਖੂਬਸੂਰਤ ਤੋਹਫੇ ਦੀ ਤਰ੍ਹਾਂ ਹੈ ਅਤੇ ਅਸੀਂ ਕਦੇ ਵੀ ਇਕੱਲੇ ਨਹੀਂ ਹੁੰਦੇ। ਉਸਦਾ ਜੀਵਨ ਇੱਕ ਉਦਾਹਰਣ ਹੈ ਕਿ ਜਦੋਂ ਜੀਵਨ ਪਿਆਰ ਨਾਲ ਭਰਿਆ ਹੁੰਦਾ ਹੈ ਤਾਂ ਜੀਵਨ ਕਿੰਨਾ ਸੰਪੂਰਨ ਲੱਗਦਾ ਹੈ। ਅਦਾਕਾਰ ਦੇ ਦੇਹਾਂਤ ਦੀ ਖਬਰ ਨਾਲ ਇੰਡਸਟਰੀ ‘ਚ ਸੋਗ ਦੀ ਲਹਿਰ ਹੈ। ਲੋਕ ਲਗਾਤਾਰ ਉਨ੍ਹਾਂ ਲਈ ਦੁੱਖ ਪ੍ਰਗਟ ਕਰ ਰਹੇ ਹਨ ਅਤੇ ਉਨ੍ਹਾਂ ਨੂੰ ਪੂਰੇ ਦਿਲ ਨਾਲ ਸ਼ਰਧਾਂਜਲੀ ਦੇ ਰਹੇ ਹਨ।

ਇੰਡਸਟਰੀ ਦੇ ਉਨ੍ਹਾਂ ਦੇ ਚਹੇਤਿਆਂ ਨੇ ਲਿਖਿਆ ਹੈ ਤੁਹਾਨੂੰ ਕਦੇ ਵੀ ਭੁਲਾਇਆ ਨਹੀਂ ਜਾ ਸਕਦਾ, ਤੁਹਾਨੂੰ ਹਮੇਸ਼ਾ ਪ੍ਰੇਰਨਾ ਦੇ ਤੌਰ ‘ਤੇ ਯਾਦ ਕੀਤਾ ਜਾਵੇਗਾ। ਐਮੀਓਟ੍ਰੋਫਿਕ ਲੈਟਰਲ ਸਕਲੇਰੋਸਿਸ (ALS) ਇੱਕ ਘਾਤਕ ਨਿਊਰੋਡੀਜਨਰੇਟਿਵ ਬਿਮਾਰੀ ਹੈ, ਜਿਸ ਵਿੱਚ ਮਨੁੱਖੀ ਮੋਟਰ ਪ੍ਰਣਾਲੀ ਸ਼ਾਮਲ ਹੈ। ਕਿਹਾ ਜਾਂਦਾ ਹੈ ਕਿ ਇਹ ਦਿਮਾਗ ਅਤੇ ਰੀੜ੍ਹ ਦੀ ਹੱਡੀ ਦੇ ਨਸਾਂ ਦੇ ਸੈੱਲਾਂ ਨੂੰ ਬਹੁਤ ਹੌਲੀ-ਹੌਲੀ ਪ੍ਰਭਾਵਿਤ ਕਰਦਾ ਹੈ ਅਤੇ ਫਿਰ ਮਾਸਪੇਸ਼ੀਆਂ ਤੋਂ ਕੰਟਰੋਲ ਗੁਆਉਣਾ ਸ਼ੁਰੂ ਹੋ ਜਾਂਦਾ ਹੈ।