ਇਮਾਮ ਨੇ ਫਰਾਂਸੀਸੀ ਝੰਡੇ ਨੂੰ ਸ਼ੈਤਾਨੀ ਝੰਡਾ ਕਿਹਾ, 12 ਘੰਟਿਆਂ ਦੇ ਅੰਦਰ ਹੀ ਫਰਾਂਸ ਨੇ ਉਸਨੂੰ ਦੇਸ਼ ਤੋਂ ਕੱਢ ਦਿੱਤਾ

ਇਮਾਮ ‘ਤੇ ਫਰਾਂਸ ਦੇ ਬੈਗਨੋਲਸ-ਸੁਰ-ਸੀਸ ਦੀ ਇਤੌਬਾ ਮਸਜਿਦ ਵਿਚ ਕੱਟੜਤਾ ਫੈਲਾਉਣ ਵਾਲਾ ਬਿਆਨ ਦੇਣ ਦਾ ਦੋਸ਼ ਹੈ। ਫ਼ੌਰੀ ਕਾਰਵਾਈ ਕਰਦਿਆਂ ਫ਼ਰਾਂਸ ਦੀ ਸਰਕਾਰ ਨੇ ਉਸਦੀ ਗ੍ਰਿਫ਼ਤਾਰੀ ਤੋਂ ਸਿਰਫ਼ 12 ਘੰਟੇ ਬਾਅਦ ਹੀ ਉਸਨੂੰ ਦੇਸ਼ ਵਿੱਚੋਂ ਕੱਢ ਦਿੱਤਾ।

ਫਰਾਂਸ ਸ਼ੁਰੂ ਤੋਂ ਹੀ ਕਹਿੰਦਾ ਆ ਰਿਹਾ ਹੈ ਕਿ ਉਹ ਆਪਣੇ ਦੇਸ਼ ਵਿਚ ਕੱਟੜਵਾਦ ਨੂੰ ਬਰਦਾਸ਼ਤ ਨਹੀਂ ਕਰੇਗਾ। ਫਰਾਂਸ ਦੀ ਸਰਕਾਰ ਨੇ ਟਿਊਨੀਸ਼ੀਆ ਦੇ ਇਕ ਇਮਾਮ ਨੂੰ ‘ਕੱਟੜਵਾਦ’ ਫੈਲਾਉਣ ਦੇ ਦੋਸ਼ ‘ਚ ਦੇਸ਼ ‘ਚੋਂ ਕੱਢ ਦਿੱਤਾ ਹੈ। ਇਮਾਮ ਮਹਿਜੂਬ ਮਹਜੂਬੀਮ ਨੇ ਆਪਣੀ ਮਸਜਿਦ ਵਿੱਚ ਦਿੱਤੇ ਇੱਕ ਬਿਆਨ ਨੂੰ ਲੈ ਕੇ ਮੁਸੀਬਤ ਵਿੱਚ ਹੈ।

ਇਮਾਮ ‘ਤੇ ਫਰਾਂਸ ਦੇ ਬੈਗਨੋਲਸ-ਸੁਰ-ਸੀਸ ਦੀ ਇਤੌਬਾ ਮਸਜਿਦ ਵਿਚ ਕੱਟੜਤਾ ਫੈਲਾਉਣ ਵਾਲਾ ਬਿਆਨ ਦੇਣ ਦਾ ਦੋਸ਼ ਹੈ। ਫ਼ੌਰੀ ਕਾਰਵਾਈ ਕਰਦਿਆਂ ਫ਼ਰਾਂਸ ਦੀ ਸਰਕਾਰ ਨੇ ਉਸਦੀ ਗ੍ਰਿਫ਼ਤਾਰੀ ਤੋਂ ਸਿਰਫ਼ 12 ਘੰਟੇ ਬਾਅਦ ਹੀ ਉਸ ਨੂੰ ਦੇਸ਼ ਵਿੱਚੋਂ ਕੱਢ ਦਿੱਤਾ। ਇਮਾਮ ਦੇ ਦੇਸ਼ ਨਿਕਾਲੇ ਦੀ ਜਾਣਕਾਰੀ ਦਿੰਦੇ ਹੋਏ ਫਰਾਂਸ ਦੇ ਗ੍ਰਹਿ ਮੰਤਰੀ ਗੇਰਾਲਡ ਡਰਮਨਿਨ ਨੇ ਟਵਿੱਟਰ ‘ਤੇ ਇਹ ਜਾਣਕਾਰੀ ਦਿੱਤੀ।

ਦਰਮਨਿਨ ਨੇ ਲਿਖਿਆ “ਫਰਾਂਸ ਨੇ ਇੱਕ ਟਿਊਨੀਸ਼ੀਅਨ ਮੁਸਲਿਮ ਮੌਲਵੀ ਨੂੰ ਕੱਟੜਪੰਥੀ ਅਤੇ ਅਸਵੀਕਾਰਨਯੋਗ ਟਿੱਪਣੀਆਂ ਲਈ ਕੱਢ ਦਿੱਤਾ ਹੈ।” ਉਨ੍ਹਾਂ ਇਹ ਵੀ ਸਪੱਸ਼ਟ ਕੀਤਾ ਕਿ ਫਰਾਂਸ ਵਿੱਚ ਕੱਟੜਤਾ ਲਈ ਕੋਈ ਥਾਂ ਨਹੀਂ ਹੈ। ਦਰਮਨੀਨ ਨੇ ਇਮਾਮ ਨੂੰ ਕਿੱਥੇ ਭੇਜਿਆ ਹੈ, ਇਸ ਬਾਰੇ ਕੋਈ ਜਾਣਕਾਰੀ ਨਹੀਂ ਦਿੱਤੀ ਹੈ। ਇਮਾਮ ਦੇ ਮਸਜਿਦ ਦੇ ਉਪਦੇਸ਼ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋਇਆ ਹੈ, ਜਿਸ ਵਿੱਚ ਇਮਾਮ ਝੰਡੇ ਨੂੰ ‘ਸ਼ੈਤਾਨੀ ਝੰਡਾ’ ਕਹਿੰਦੇ ਹੋਏ ਨਜ਼ਰ ਆ ਰਹੇ ਹਨ।

ਵੀਡੀਓ ਵਿੱਚ ਉਹ ਅੱਗੇ ਕਹਿੰਦਾ ਹੈ ਕਿ ਅਜਿਹੇ ਝੰਡਿਆਂ ਦੀ ਅੱਲ੍ਹਾ ਦੇ ਮਾਰਗ ਲਈ ਕੋਈ ਥਾਂ ਨਹੀਂ ਹੈ। ਉਸਨੇ ਅੱਗੇ ਕਿਹਾ, “ਹੁਣ ਸਾਡੇ ਕੋਲ ਇਹ ਸਾਰੇ ਝੰਡੇ ਨਹੀਂ ਹੋਣਗੇ, ਜੋ ਸਾਨੂੰ ਪਰੇਸ਼ਾਨ ਕਰਦੇ ਹਨ, ਜੋ ਸਾਨੂੰ ਸਿਰ ਦਰਦ ਦਿੰਦੇ ਹਨ।” ਹਾਲਾਂਕਿ ਇਮਾਮ ਨੇ ਇਹ ਸਪੱਸ਼ਟ ਨਹੀਂ ਕੀਤਾ ਕਿ ਉਹ ਫਰਾਂਸ ਦੇ ਝੰਡੇ ਦੀ ਗੱਲ ਕਰ ਰਹੇ ਸਨ। ਤੁਹਾਨੂੰ ਦੱਸ ਦੇਈਏ ਕਿ ਫਰਾਂਸ ਦੇ ਝੰਡੇ ਦੇ ਵੀ ਤਿੰਨ ਰੰਗ ਹਨ : ਨੀਲਾ, ਚਿੱਟਾ ਅਤੇ ਲਾਲ ਮੌਜੂਦ ਹਨ। ਇਮਾਮ ਨੇ ਕੱਟੜਤਾ ਫੈਲਾਉਣ ਦੇ ਸਾਰੇ ਦੋਸ਼ਾਂ ਨੂੰ ਬੇਬੁਨਿਆਦ ਕਰਾਰ ਦਿੱਤਾ ਹੈ, ਇਮਾਮ ਨੇ ਕਿਹਾ ਕਿ ਮੈਂ ਕੋਈ ਗਲਤ ਕੰਮ ਨਹੀਂ ਕੀਤਾ ਹੈ। ਇਮਾਮ ਨੇ ਫਰਾਂਸੀਸੀ ਮੀਡੀਆ ਨੂੰ ਦੱਸਿਆ ਕਿ ਉਸਦੇ ਬਿਆਨ ਦੀ ਗਲਤ ਵਿਆਖਿਆ ਕੀਤੀ ਗਈ ਸੀ ਅਤੇ ਉਸਦਾ ਫਰਾਂਸ ਦੇ ਝੰਡੇ ਦਾ ਅਪਮਾਨ ਕਰਨ ਦਾ ਇਰਾਦਾ ਨਹੀਂ ਸੀ।