- ਰਾਸ਼ਟਰੀ
- No Comment
ਪੀਐੱਮ ਨਰਿੰਦਰ ਮੋਦੀ ਅੱਜ ਦੇਸ਼ ਨੂੰ ਪਹਿਲੀ ਹਾਈ ਸਪੀਡ ਰੈਪਿਡ ਟਰੇਨ ‘ਨਮੋ ਭਾਰਤ’ ਸੌਂਪਣਗੇ

ਇਸ ਪ੍ਰੋਜੈਕਟ ਦੇ ਪੂਰਾ ਹੋਣ ਨਾਲ ਦਿੱਲੀ-ਐਨਸੀਆਰ ਦੇ ਕਰੋੜਾਂ ਲੋਕਾਂ ਨੂੰ ਸਿੱਧਾ ਫਾਇਦਾ ਹੋਵੇਗਾ। ਨਮੋ ਭਾਰਤ ਟਰੇਨ ਰਾਹੀਂ ਰੋਜ਼ਾਨਾ ਕਰੀਬ 8 ਲੱਖ ਯਾਤਰੀ ਸਫਰ ਕਰ ਸਕਣਗੇ। ਇਹ ਟਰੇਨ 160 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫਤਾਰ ਨਾਲ ਚੱਲੇਗੀ।
ਭਾਰਤੀ ਰੇਲਵੇ ਦੇ ਇਤਿਹਾਸ ਵਿੱਚ ਅੱਜ ਦਾ ਦਿਨ ਬਹੁਤ ਮਹੱਤਵਪੂਰਨ ਹੋਣ ਜਾ ਰਿਹਾ ਹੈ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅੱਜ ਦੇਸ਼ ਦੀ ਹਾਈ ਸਪੀਡ ਟਰੇਨ ‘ਨਮੋ ਭਾਰਤ’ ਦਾ ਉਦਘਾਟਨ ਕਰਨਗੇ। ਪਹਿਲਾਂ ਇਸ ਟਰੇਨ ਦਾ ਨਾਂ ਰੈਪਿਡ ਐਕਸ ਸੀ, ਪਰ ਹੁਣ ਇਸਨੂੰ ‘ਨਮੋ ਭਾਰਤ’ ਦੇ ਨਾਂ ਨਾਲ ਜਾਣਿਆ ਜਾਵੇਗਾ।
ਦਿੱਲੀ ਅਤੇ ਮੇਰਠ ਵਿਚਕਾਰ 82 ਕਿਲੋਮੀਟਰ ਦੇ ਰੂਟ ‘ਤੇ ਚੱਲਣ ਵਾਲੀ ਇਸ ਹਾਈ ਸਪੀਡ ਟਰੇਨ ਦੇ ਪਹਿਲੇ ਪੜਾਅ ਦਾ ਅੱਜ ਉਦਘਾਟਨ ਹੋਣ ਜਾ ਰਿਹਾ ਹੈ। ਪਹਿਲੇ ਪੜਾਅ ਵਿੱਚ ਲੋਕ ਸਾਹਿਬਾਬਾਦ ਤੋਂ ਦੁਹਾਈ ਡਿਪੂ ਤੱਕ ਸਫਰ ਕਰ ਸਕਣਗੇ। ਇਸ ਪ੍ਰੋਜੈਕਟ ਦੇ ਪੂਰਾ ਹੋਣ ਨਾਲ ਦਿੱਲੀ-ਐਨਸੀਆਰ ਦੇ ਕਰੋੜਾਂ ਲੋਕਾਂ ਨੂੰ ਸਿੱਧਾ ਫਾਇਦਾ ਹੋਵੇਗਾ। ਨਮੋ ਭਾਰਤ ਟਰੇਨ ਰਾਹੀਂ ਰੋਜ਼ਾਨਾ ਕਰੀਬ 8 ਲੱਖ ਯਾਤਰੀ ਸਫਰ ਕਰ ਸਕਣਗੇ।
करोड़ो लोगों की आकांक्षाओं से जुड़े #RRTS प्रोजेक्ट के प्रायोरिटी कॉरिडोर पटरी पर रफ्तार भरने के लिए तैयार है।
— Hardeep Singh Puri (@HardeepSPuri) October 19, 2023
PM श्री @narendramodi जी कल यानि 20 अक्टूबर को इसे राष्ट्र को समर्पित करेंगे।
देश के इस रीजनल रैपिड ट्रांजिट सिस्टम को #NaMoBharat के नाम से जाना जाएगा।@officialncrtc pic.twitter.com/C5xmbZexnI
ਇਹ ਟਰੇਨ 160 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫਤਾਰ ਨਾਲ ਚੱਲੇਗੀ। ਦਿੱਲੀ-ਗਾਜ਼ੀਆਬਾਦ-ਮੇਰਠ RRTS (ਖੇਤਰੀ ਰੈਪਿਡ ਟਰਾਂਜ਼ਿਟ ਸਿਸਟਮ) ਕੋਰੀਡੋਰ ਦੇ ਪਹਿਲੇ ਪੜਾਅ ਵਿੱਚ, ਸਾਹਿਬਾਬਾਦ ਅਤੇ ਦੁਹਾਈ ਵਿਚਕਾਰ 17 ਕਿਲੋਮੀਟਰ ਦਾ ਸੈਕਸ਼ਨ ਉਦਘਾਟਨ ਤੋਂ ਇੱਕ ਦਿਨ ਬਾਅਦ 21 ਅਕਤੂਬਰ ਨੂੰ ਯਾਤਰੀਆਂ ਲਈ ਖੋਲ੍ਹਿਆ ਜਾਵੇਗਾ।
ਕੇਂਦਰੀ ਸ਼ਹਿਰੀ ਵਿਕਾਸ ਮੰਤਰੀ ਹਰਦੀਪ ਪੁਰੀ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ X ‘ਤੇ ਇੱਕ ਪੋਸਟ ਰਾਹੀਂ ਘੋਸ਼ਣਾ ਕੀਤੀ ਕਿ RRTS ਟ੍ਰੇਨ ਨੂੰ ‘ਨਮੋ ਭਾਰਤ’ ਵਜੋਂ ਜਾਣਿਆ ਜਾਵੇਗਾ। ਉਨ੍ਹਾਂ ਕਿਹਾ, ‘ਕਰੋੜਾਂ ਲੋਕਾਂ ਦੀਆਂ ਉਮੀਦਾਂ ਨਾਲ ਸਬੰਧਤ ਆਰ.ਆਰ.ਟੀ.ਐਸ. ਪ੍ਰੋਜੈਕਟ ਦਾ ਤਰਜੀਹੀ ਹਿੱਸਾ ਗਤੀ ਹਾਸਲ ਕਰਨ ਲਈ ਤਿਆਰ ਹੈ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ 20 ਅਕਤੂਬਰ ਨੂੰ ਇਸ ਨੂੰ ਰਾਸ਼ਟਰ ਨੂੰ ਸਮਰਪਿਤ ਕਰਨਗੇ। ਦੇਸ਼ ਦੀ ਖੇਤਰੀ ਤੇਜ਼ ਆਵਾਜਾਈ ਪ੍ਰਣਾਲੀ ਨੂੰ ‘ਨਮੋ ਭਾਰਤ’ ਵਜੋਂ ਜਾਣਿਆ ਜਾਵੇਗਾ। ਸਾਹਿਬਾਬਾਦ ਅਤੇ ਦੁਹਾਈ ਵਿਚਕਾਰ ਇਹ 17 ਕਿਲੋਮੀਟਰ ਦਾ ਸੈਕਸ਼ਨ ਗਾਜ਼ੀਆਬਾਦ, ਗੁਲਧਰ ਅਤੇ ਦੁਹਾਈ ਸਟੇਸ਼ਨਾਂ ਰਾਹੀਂ ਸਾਹਿਬਾਬਾਦ ਨੂੰ ਦੁਹਾਈ ਡਿਪੂ ਨਾਲ ਜੋੜੇਗਾ।
ਪ੍ਰਧਾਨ ਮੰਤਰੀ ਨੇ 8 ਮਾਰਚ, 2019 ਨੂੰ ਦਿੱਲੀ-ਗਾਜ਼ੀਆਬਾਦ-ਮੇਰਠ ਕੋਰੀਡੋਰ ਦਾ ਨੀਂਹ ਪੱਥਰ ਰੱਖਿਆ ਸੀ। RRTS 180 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਸਪੀਡ ਦੇ ਨਾਲ ਇੱਕ ਨਵੀਂ ਰੇਲ-ਅਧਾਰਤ, ਉੱਚ-ਸਪੀਡ, ਉੱਚ-ਵਾਰਵਾਰਤਾ ਵਾਲੀ ਖੇਤਰੀ ਯਾਤਰਾ ਪ੍ਰਣਾਲੀ ਹੈ। ਇਸ ਰੂਟ ‘ਤੇ ਹਰ 15 ਮਿੰਟ ‘ਤੇ ਹਾਈ ਸਪੀਡ ਰੇਲਗੱਡੀ ਉਪਲਬਧ ਹੋਵੇਗੀ ਅਤੇ ਲੋੜ ਅਨੁਸਾਰ ਹਰ ਪੰਜ ਮਿੰਟ ‘ਤੇ ਵੀ ਉਪਲਬਧ ਹੋਵੇਗੀ।