ਪੁਤਿਨ 71 ਸਾਲ ਦੀ ਉਮਰ ‘ਚ ਆਪਣੀ ਪ੍ਰੇਮਿਕਾ ਦੇ ਪਿਆਰ ਚ ਹਨ ਪਾਗਲ, ਉਸ ਦੀ ਨਵੀਂ ਪ੍ਰੇਮਿਕਾ ‘ਬਾਰਬੀ’ ਉਸ ਤੋਂ ਹੈ 32 ਸਾਲ ਛੋਟੀ

ਏਕਾਟੇਰੀਨਾ ਕਾਤਿਆ ਮਿਜ਼ੁਲੀਨਾ ਰੂਸ ਦੀ ਸੁਰੱਖਿਅਤ ਇੰਟਰਨੈੱਟ ਲੀਗ ਦੀ ਮੁਖੀ ਹੈ। ਕਾਤਿਆ ਪੁਤਿਨ ਦੇ ਕੱਟੜ ਸਮਰਥਕ ਅਤੇ ਯੂਕਰੇਨ ਵਿਰੋਧੀ ਸੈਨੇਟਰ ਦੀ ਧੀ ਹੈ।

ਰੂਸ ਦੇ ਰਾਸ਼ਟਰਪਤੀ ਜਿਥੇ ਆਪਣੇ ਸਖਤ ਸੁਭਾਅ ਲਈ ਮਸ਼ਹੂਰ ਹਨ, ਉਥੇ ਹੀ ਉਹ ਆਸ਼ਿਕ ਮਿਜਾਜ ਵੀ ਹਨ। ਰੂਸ ਦੇ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਦੀਆਂ ਰੋਮਾਂਸ ਦੀਆਂ ਕਹਾਣੀਆਂ ਹਮੇਸ਼ਾ ਸੁਰਖੀਆਂ ‘ਚ ਰਹੀਆਂ ਹਨ। ਇਕ ਵਾਰ ਫਿਰ ਤੋਂ ਉਨ੍ਹਾਂ ਦੇ ਰੋਮਾਂਸ ਦੀਆਂ ਖਬਰਾਂ ਕਾਫੀ ਚਰਚਾ ‘ਚ ਹਨ। ਕਿਹਾ ਜਾ ਰਿਹਾ ਹੈ ਕਿ ਪੁਤਿਨ ਅਤੇ ਲੰਡਨ ‘ਚ ਪੜ੍ਹੀ ਇਕ ਲੜਕੀ ਵਿਚਾਲੇ ਅਫੇਅਰ ਚੱਲ ਰਿਹਾ ਹੈ।

ਇਹ ਔਰਤ ਇੰਟਰਨੈੱਟ ‘ਤੇ ਪੁਤਿਨ ਵਿਰੁੱਧ ਚੀਜ਼ਾਂ ਨੂੰ ਸੈਂਸਰ ਕਰਦੀ ਹੈ। ਵੱਡੀ ਗੱਲ ਇਹ ਹੈ ਕਿ ਇਹ ਔਰਤ ਪੁਤਿਨ ਤੋਂ 32 ਸਾਲ ਛੋਟੀ ਹੈ। ਉਸਦਾ ਨਾਮ ਏਕਾਟੇਰੀਨਾ ਕਾਤਿਆ ਮਿਜ਼ੁਲੀਨਾ ਹੈ। ਉਹ ਰੂਸ ਦੀ ਸੁਰੱਖਿਅਤ ਇੰਟਰਨੈੱਟ ਲੀਗ ਦੀ ਮੁਖੀ ਹੈ। ਕਾਤਿਆ ਪੁਤਿਨ ਦੇ ਕੱਟੜ ਸਮਰਥਕ ਅਤੇ ਯੂਕਰੇਨ ਵਿਰੋਧੀ ਸੈਨੇਟਰ ਦੀ ਧੀ ਹੈ। ਜਾਣਕਾਰੀ ਮੁਤਾਬਕ ਪਿਛਲੇ ਕਾਫੀ ਸਮੇਂ ਤੋਂ ਚਰਚਾ ਹੈ ਕਿ ਪੁਤਿਨ ਅਤੇ ਓਲੰਪਿਕ ਸੋਨ ਤਮਗਾ ਜੇਤੂ ਅਲੀਨਾ ਕਬਾਏਵਾ ਵੀ ਰਿਲੇਸ਼ਨਸ਼ਿਪ ‘ਚ ਹਨ।

ਕਈ ਰਿਪੋਰਟਾਂ ਵਿੱਚ ਦਾਅਵਾ ਕੀਤਾ ਗਿਆ ਹੈ ਕਿ ਉਸਦੇ ਦੋ ਤੋਂ ਤਿੰਨ ਬੱਚੇ ਵੀ ਹਨ ਅਤੇ ਕਥਿਤ ਤੌਰ ‘ਤੇ ਪੁਤਿਨ ਦੀ ਮਲਕੀਅਤ ਵਾਲੇ ਇੱਕ ਮਹਿਲ ਵਿੱਚ ਰਹਿੰਦੀ ਹੈ। ਹਾਲਾਂਕਿ ਪੁਤਿਨ ਦੇ ਨਵੇਂ ਅਫੇਅਰ ਦੀਆਂ ਖਬਰਾਂ ਰੂਸੀ ਸੋਸ਼ਲ ਮੀਡੀਆ ‘ਤੇ ਵੀ ਘੁੰਮ ਰਹੀਆਂ ਹਨ। ਕਾਤਿਆ ਸੈਨੇਟਰ ਏਲੇਨਾ ਮਿਜ਼ੁਲੀਨਾ ਦੀ ਧੀ ਹੈ। ਯੂਕਰੇਨ ਦੇ ਚੈਨਲ 24 ਮੁਤਾਬਕ, ਰੂਸੀ ਮਨੁੱਖੀ ਅਧਿਕਾਰ ਪ੍ਰਚਾਰਕ ਓਲਗਾ ਰੋਮਾਨੋਵਾ ਨੇ ਕਿਹਾ, ‘ਕਾਤਿਆ ਮਿਜ਼ੁਲਿਨਾ ਪੂਰੀ ਤਰ੍ਹਾਂ ਪੁਤਿਨ ਦੀ ਪਸੰਦ ਹੈ। ਉਸ ਨੂੰ ਇਹ ‘ਬਾਰਬੀ’ ਹਮੇਸ਼ਾ ਪਸੰਦ ਹੈ।

ਯੂਕਰੇਨੀ ਮੀਡੀਆ ਮੁਤਾਬਕ ਰੂਸੀ ਸੂਤਰਾਂ ਦੇ ਹਵਾਲੇ ਨਾਲ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਏਕਾਤੇਰਿਨਾ ਕਾਤਿਆ ਮਿਜ਼ੁਲਿਨਾ ਦੀ ਦਿੱਖ ਪੁਤਿਨ ਨੂੰ ਆਕਰਸ਼ਿਤ ਕਰਦੀ ਹੈ। ਕਾਤਿਆ ਨੇ 2004 ਵਿੱਚ ਲੰਡਨ ਯੂਨੀਵਰਸਿਟੀ ਦੇ ਸਕੂਲ ਆਫ ਓਰੀਐਂਟਲ ਐਂਡ ਅਫਰੀਕਨ ਸਟੱਡੀਜ਼ ਤੋਂ ਗ੍ਰੈਜੂਏਸ਼ਨ ਕੀਤੀ ਸੀ। ਉਸ ਕੋਲ ਕਲਾ, ਇਤਿਹਾਸ ਅਤੇ ਇੰਡੋਨੇਸ਼ੀਆਈ ਭਾਸ਼ਾ ਵਿੱਚ ਡਿਗਰੀਆਂ ਹਨ। ਉਹ ਚੀਨ ਦਾ ਦੌਰਾ ਕਰਨ ਵਾਲੇ ਅਧਿਕਾਰਤ ਰੂਸੀ ਵਫਦਾਂ ਵਿੱਚ ਅਨੁਵਾਦਕ ਵੀ ਰਹੀ ਹੈ।