ਸਦਾਨੰਦ ਵਸੰਤ ਦਾਤੇ ਬਣੇ NIA ਦੇ ਨਵੇਂ ਮੁਖੀ, 26/11 ਹਮਲੇ ‘ਚ ਅੱਤਵਾਦੀਆਂ ਦਾ ਕੀਤਾ ਸੀ ਮੁਕਾਬਲਾ

ਐਨਆਈਏ ਮੁਖੀ ਬਣਨ ਤੋਂ ਪਹਿਲਾਂ ਸਦਾਨੰਦ ਵਸੰਤ ਦਾਤੇ ਮਹਾਰਾਸ਼ਟਰ ਏਟੀਐਸ ਦੇ ਮੁਖੀ ਸਨ। ਉਹ ਭਾਰਤੀ ਪੁਲਿਸ ਸੇਵਾ (IPS) ਦੇ 1990 ਬੈਚ ਦੇ ਮਹਾਰਾਸ਼ਟਰ ਕੇਡਰ ਦੇ ਅਧਿਕਾਰੀ ਹਨ।

ਸਦਾਨੰਦ ਵਸੰਤ ਦਾਤੇ ਦੀ ਗਿਣਤੀ ਦੇਸ਼ ਦੇ ਨਿਡਰ ਅਧਿਕਾਰੀਆਂ ਵਿਚ ਕੀਤੀ ਜਾਂਦੀ ਹੈ। ਰਾਸ਼ਟਰੀ ਜਾਂਚ ਏਜੰਸੀ ਯਾਨੀ NIA ਨੂੰ ਨਵਾਂ ਮੁਖੀ ਮਿਲ ਗਿਆ ਹੈ। ਅਧਿਕਾਰਤ ਬਿਆਨ ਵਿੱਚ ਦੱਸਿਆ ਗਿਆ ਹੈ ਕਿ ਸਦਾਨੰਦ ਵਸੰਤ ਦਾਤੇ ਨੇ ਐਤਵਾਰ ਨੂੰ ਐਨਆਈਏ ਦੇ ਨਵੇਂ ਮੁਖੀ ਵਜੋਂ ਅਹੁਦਾ ਸੰਭਾਲ ਲਿਆ ਹੈ। ਸਦਾਨੰਦ ਨੇ ਐਤਵਾਰ ਨੂੰ ਸੇਵਾਮੁਕਤ ਹੋਏ ਦਿਨਕਰ ਗੁਪਤਾ ਦੀ ਥਾਂ ਲਈ ਹੈ। ਐਨਆਈਏ ਮੁਖੀ ਬਣਨ ਤੋਂ ਪਹਿਲਾਂ, ਦਾਤੇ ਮਹਾਰਾਸ਼ਟਰ ਵਿੱਚ ਅੱਤਵਾਦ ਵਿਰੋਧੀ ਦਸਤੇ (ਏਟੀਐਸ) ਦੇ ਮੁਖੀ ਵਜੋਂ ਸੇਵਾ ਨਿਭਾ ਰਹੇ ਸਨ।

ਦੱਸ ਦੇਈਏ ਕਿ ਮੁੰਬਈ ‘ਚ 26/11 ਦੇ ਹਮਲੇ ਦੌਰਾਨ ਸੁਰੱਖਿਆ ਪ੍ਰਬੰਧਾਂ ‘ਚ ਦਾਤੇ ਨੇ ਵੱਡੀ ਭੂਮਿਕਾ ਨਿਭਾਈ ਸੀ। ਐਨਆਈਏ ਮੁਖੀ ਬਣਨ ਤੋਂ ਪਹਿਲਾਂ ਸਦਾਨੰਦ ਵਸੰਤ ਮਹਾਰਾਸ਼ਟਰ ਏਟੀਐਸ ਦੇ ਮੁਖੀ ਸਨ। ਉਹ ਭਾਰਤੀ ਪੁਲਿਸ ਸੇਵਾ (IPS) ਦੇ 1990 ਬੈਚ ਦੇ ਮਹਾਰਾਸ਼ਟਰ ਕੇਡਰ ਦੇ ਅਧਿਕਾਰੀ ਹਨ। ਸਦਾਨੰਦ ਵਸੰਤ ਦਾਤੇ ਪਹਿਲਾਂ ਵੀ ਦੋ ਵਾਰ ਕੇਂਦਰ ਸਰਕਾਰ ਦੀ ਸੇਵਾ ਕਰ ਚੁੱਕੇ ਹਨ। ਉਨ੍ਹਾਂ ਨੇ ਸੀਬੀਆਈ ਵਿੱਚ ਡਿਪਟੀ ਇੰਸਪੈਕਟਰ ਜਨਰਲ ਅਤੇ ਕੇਂਦਰੀ ਰਿਜ਼ਰਵ ਪੁਲਿਸ ਬਲ (ਸੀਆਰਪੀਐਫ) ਵਿੱਚ ਇੰਸਪੈਕਟਰ ਜਨਰਲ ਵਜੋਂ ਸੇਵਾਵਾਂ ਦਿੱਤੀਆਂ ਹਨ।

2008 ‘ਚ ਮੁੰਬਈ ‘ਤੇ ਹਮਲਾ ਕਰਨ ਵਾਲੇ ਅੱਤਵਾਦੀਆਂ ਦਾ ਮੁਕਾਬਲਾ ਕਰਨ ‘ਚ ਅਹਿਮ ਭੂਮਿਕਾ ਨਿਭਾਉਣ ਲਈ ਦਾਤੇ ਨੂੰ 2008 ‘ਚ ਰਾਸ਼ਟਰਪਤੀ ਪੁਲਸ ਮੈਡਲ ਨਾਲ ਸਨਮਾਨਿਤ ਕੀਤਾ ਗਿਆ ਸੀ। ਮਿਤੀ 2007 ਵਿੱਚ ਸ਼ਾਨਦਾਰ ਸੇਵਾ ਲਈ ਰਾਸ਼ਟਰਪਤੀ ਪੁਲਿਸ ਮੈਡਲ ਅਤੇ 2014 ਵਿੱਚ ਵਿਸ਼ੇਸ਼ ਸੇਵਾ ਲਈ ਰਾਸ਼ਟਰਪਤੀ ਪੁਲਿਸ ਮੈਡਲ ਨਾਲ ਵੀ ਸਨਮਾਨਿਤ ਕੀਤਾ ਗਿਆ ਸੀ।

NIA ਦੇਸ਼ ਦੀ ਕੇਂਦਰੀ ਅੱਤਵਾਦ ਵਿਰੋਧੀ ਕਾਨੂੰਨ ਲਾਗੂ ਕਰਨ ਵਾਲੀ ਏਜੰਸੀ ਹੈ। ਇਸਦੀ ਸਥਾਪਨਾ ਨੈਸ਼ਨਲ ਇਨਵੈਸਟੀਗੇਸ਼ਨ ਏਜੰਸੀ ਬਿੱਲ ਦੇ ਤਹਿਤ ਕੀਤੀ ਗਈ ਸੀ, ਜੋ ਕਿ ਮੁੰਬਈ ਅੱਤਵਾਦੀ ਹਮਲਿਆਂ ਤੋਂ ਬਾਅਦ 2008 ਵਿੱਚ ਭਾਰਤ ਦੀ ਸੰਸਦ ਦੁਆਰਾ ਪਾਸ ਕੀਤਾ ਗਿਆ ਸੀ। NIA ਦਾ ਕੰਮ ਦੇਸ਼ ਦੇ ਅੰਦਰ ਅੱਤਵਾਦੀ ਗਤੀਵਿਧੀਆਂ ਨੂੰ ਰੋਕਣਾ ਅਤੇ ਭਾਰਤ ਵਿੱਚ ਅੱਤਵਾਦ ਨੂੰ ਖਤਮ ਕਰਨਾ ਹੈ।