ਰੇਲਵੇ ਨੂੰ ਮਿਲੀ ਪਹਿਲੀ ਮਹਿਲਾ ਚੇਅਰਮੈਨ, ਜਯਾ ਵਰਮਾ ਸਿਨਹਾ ਰੇਲਵੇ ਬੋਰਡ ਦੀ ਸੀਈਓ ਅਤੇ ਚੇਅਰਮੈਨ ਬਣੇਗੀ

ਜਯਾ ਵਰਮਾ ਸਿਨਹਾ ਨੇ ਚਾਰ ਸਾਲ ਤੱਕ ਬੰਗਲਾਦੇਸ਼ ਦੇ ਢਾਕਾ ਵਿੱਚ ਭਾਰਤੀ ਹਾਈ ਕਮਿਸ਼ਨ ਵਿੱਚ ਰੇਲਵੇ ਸਲਾਹਕਾਰ ਵਜੋਂ ਵੀ ਕੰਮ ਕੀਤਾ ਹੈ। ਬੰਗਲਾਦੇਸ਼ ਵਿੱਚ ਉਨ੍ਹਾਂ ਦੇ ਕਾਰਜਕਾਲ ਦੌਰਾਨ ਹੀ ਕੋਲਕਾਤਾ ਤੋਂ ਢਾਕਾ ਤੱਕ ਚੱਲਣ ਵਾਲੀ ਮੈਤਰੀ ਐਕਸਪ੍ਰੈਸ ਦਾ ਉਦਘਾਟਨ ਕੀਤਾ ਗਿਆ ਸੀ।

ਕੇਂਦਰ ਸਰਕਾਰ ਨੇ ਜਯਾ ਵਰਮਾ ਸਿਨਹਾ ਨੂੰ ਰੇਲਵੇ ਬੋਰਡ ਦੀ ਪਹਿਲੀ ਮਹਿਲਾ ਸੀਈਓ ਅਤੇ ਚੇਅਰਪਰਸਨ ਨਿਯੁਕਤ ਕੀਤਾ ਹੈ। ਉਹ ਅਨਿਲ ਕੁਮਾਰ ਲਾਹੋਟੀ ਦੀ ਥਾਂ ਲੈਣਗੇ। ਰੇਲਵੇ ਬੋਰਡ ਰਾਸ਼ਟਰੀ ਟਰਾਂਸਪੋਰਟਰਾਂ ਲਈ ਸਿਖਰ ਫੈਸਲਾ ਲੈਣ ਵਾਲੀ ਸੰਸਥਾ ਹੈ। ਜਯਾ ਵਰਮਾ, ਬਤੌਰ ਮੈਂਬਰ (ਸੰਚਾਲਨ ਅਤੇ ਵਪਾਰ ਵਿਕਾਸ), ਰੇਲਵੇ ਬੋਰਡ, ਨੇ ਹਾਲ ਹੀ ਵਿੱਚ ਬਾਲਾਸੋਰ, ਓਡੀਸ਼ਾ ਵਿੱਚ ਹੋਏ ਭਿਆਨਕ ਰੇਲ ਹਾਦਸੇ ਤੋਂ ਬਾਅਦ ਗੁੰਝਲਦਾਰ ਸਿਗਨਲ ਸਿਸਟਮ ਬਾਰੇ ਮੀਡੀਆ ਨੂੰ ਜਾਣਕਾਰੀ ਦਿੱਤੀ ਸੀ।

ਇਸ ਹਾਦਸੇ ‘ਚ ਕਰੀਬ 300 ਲੋਕਾਂ ਦੀ ਮੌਤ ਹੋ ਗਈ ਸੀ। ਇੱਕ ਹੁਕਮ ਵਿੱਚ ਕਿਹਾ ਗਿਆ ਹੈ, “ਕੈਬਨਿਟ ਦੀ ਨਿਯੁਕਤੀ ਕਮੇਟੀ (ਏਸੀਸੀ) ਨੇ ਜਯਾ ਵਰਮਾ ਸਿਨਹਾ, ਮੈਂਬਰ (ਸੰਚਾਲਨ ਅਤੇ ਵਪਾਰ ਵਿਕਾਸ) ਨੂੰ ਰੇਲਵੇ ਬੋਰਡ ਦੇ ਚੇਅਰਪਰਸਨ ਅਤੇ ਮੁੱਖ ਕਾਰਜਕਾਰੀ ਅਧਿਕਾਰੀ (ਸੀਈਓ) ਦੇ ਅਹੁਦੇ ‘ਤੇ ਨਿਯੁਕਤ ਕਰਨ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ।”

ਉਹ 1 ਸਤੰਬਰ ਨੂੰ ਜਾਂ ਇਸ ਤੋਂ ਬਾਅਦ ਅਹੁਦਾ ਸੰਭਾਲੇਗੀ ਅਤੇ ਉਨ੍ਹਾਂ ਦਾ ਕਾਰਜਕਾਲ 31 ਅਗਸਤ, 2024 ਤੱਕ ਹੋਵੇਗਾ। ਸਿਨਹਾ 1 ਅਕਤੂਬਰ ਨੂੰ ਸੇਵਾਮੁਕਤ ਹੋਣ ਵਾਲੀ ਹੈ, ਪਰ ਉਨ੍ਹਾਂ ਦਾ ਕਾਰਜਕਾਲ ਖਤਮ ਹੋਣ ਤੋਂ ਬਾਅਦ ਦੁਬਾਰਾ ਵਧਾਇਆ ਜਾਵੇਗਾ। ਸਿਨਹਾ, ਇਲਾਹਾਬਾਦ ਯੂਨੀਵਰਸਿਟੀ ਦੀ ਸਾਬਕਾ ਵਿਦਿਆਰਥੀ ਹੈ ਅਤੇ1988 ਵਿੱਚ ਭਾਰਤੀ ਰੇਲਵੇ ਆਵਾਜਾਈ ਸੇਵਾ ਵਿੱਚ ਸ਼ਾਮਲ ਹੋਈ ਸੀ ਅਤੇ ਉਨ੍ਹਾਂ ਨੇ ਉੱਤਰੀ ਰੇਲਵੇ, ਦੱਖਣ-ਪੂਰਬੀ ਰੇਲਵੇ ਅਤੇ ਪੂਰਬੀ ਰੇਲਵੇ ਵਿੱਚ ਕੰਮ ਕੀਤਾ।

ਜਯਾ ਵਰਮਾ ਸਿਨਹਾ ਨੇ ਚਾਰ ਸਾਲ ਤੱਕ ਬੰਗਲਾਦੇਸ਼ ਦੇ ਢਾਕਾ ਵਿੱਚ ਭਾਰਤੀ ਹਾਈ ਕਮਿਸ਼ਨ ਵਿੱਚ ਰੇਲਵੇ ਸਲਾਹਕਾਰ ਵਜੋਂ ਵੀ ਕੰਮ ਕੀਤਾ। ਬੰਗਲਾਦੇਸ਼ ਵਿੱਚ ਉਨ੍ਹਾਂ ਦੇ ਕਾਰਜਕਾਲ ਦੌਰਾਨ ਹੀ ਕੋਲਕਾਤਾ ਤੋਂ ਢਾਕਾ ਤੱਕ ਚੱਲਣ ਵਾਲੀ ਮੈਤਰੀ ਐਕਸਪ੍ਰੈਸ ਦਾ ਉਦਘਾਟਨ ਕੀਤਾ ਗਿਆ ਸੀ। ਜਯਾ ਵਰਮਾ ਸਿਨਹਾ, ਮੈਂਬਰ, ਸੰਚਾਲਨ ਅਤੇ ਵਪਾਰ ਵਿਕਾਸ, ਰੇਲਵੇ ਬੋਰਡ ਦੀ ਚੇਅਰਮੈਨ ਦੇ ਅਹੁਦੇ ਦੀ ਦੌੜ ਵਿੱਚ ਸਭ ਤੋਂ ਅੱਗੇ ਸਨ। ਇਸ ਸਬੰਧੀ ਰੇਲਵੇ ਨੇ ਪਹਿਲ ਦੇ ਆਧਾਰ ‘ਤੇ ਚਾਰ ਲੋਕਾਂ ਦਾ ਪੈਨਲ ਤਿਆਰ ਕੀਤਾ ਸੀ। ਮੋਦੀ ਸਰਕਾਰ ਨੇ ਜਯਾ ਵਰਮਾ ਸਿਨਹਾ ਨੂੰ ਇਸ ਪੈਨਲ ਦਾ ਚੇਅਰਮੈਨ ਨਿਯੁਕਤ ਕਰਨ ਲਈ ਲਗਭਗ ਮਨਜ਼ੂਰੀ ਮਿਲ ਗਈ ਹੈ।

ਭਾਰਤੀ ਰੇਲਵੇ ਦੀ ਸਥਾਪਨਾ 12 ਸਤੰਬਰ 1837 ਨੂੰ ਹੀ ਹੋਈ ਸੀ। ਪਰ ਰੇਲਵੇ ਬੋਰਡ ਦੀ ਸਥਾਪਨਾ 1905 ਵਿੱਚ ਹੋਈ ਸੀ। ਭਾਰਤੀ ਰੇਲਵੇ ਦੀ 186 ਸਾਲਾਂ ਦੀ ਯਾਤਰਾ ਪੂਰੀ ਹੋਣ ਵਾਲੀ ਹੈ। ਇਸ 186 ਸਾਲਾਂ ਦੇ ਇਤਿਹਾਸ ਵਿੱਚ ਅਜਿਹਾ ਪਹਿਲੀ ਵਾਰ ਹੋਇਆ ਹੈ, ਜਦੋਂਕਿ ਰੇਲਵੇ ਬੋਰਡ ਦੇ ਚੇਅਰਮੈਨ ਦਾ ਅਹੁਦਾ ਕਿਸੇ ਮਹਿਲਾ ਨੂੰ ਮਿਲਿਆ ਹੈ।