ਤਾਪਸੀ ਪੰਨੂ ਵਿਆਹ ਕਰਨ ਜਾ ਰਹੀ, ਤਾਪਸੀ ਆਪਣੇ ਬੁਆਏਫ੍ਰੈਂਡ ਮੈਥਿਆਸ ਬੋਏ ਨਾਲ ਕਰੇਗੀ ਵਿਆਹ

ਮੈਥਿਆਸ ਬੋਏ ਡੈਨਮਾਰਕ ਦਾ ਨਿਵਾਸੀ ਹੈ। ਇੱਕ ਬੈਡਮਿੰਟਨ ਖਿਡਾਰੀ ਹੋਣ ਦੇ ਨਾਤੇ, ਉਹ ਇੱਕ ਓਲੰਪਿਕ ਗੋਲਡ ਮੈਡਲ ਜੇਤੂ ਅਤੇ ਯੂਰਪੀਅਨ ਚੈਂਪੀਅਨ ਹੈ।

ਤਾਪਸੀ ਪੰਨੂ ਦੀ ਗਿਣਤੀ ਬਾਲੀਵੁੱਡ ‘ਚ ਇਕ ਪ੍ਰਤਿਭਾਸ਼ਾਲੀ ਅਦਾਕਾਰਾਂ ਦੇ ਰੂਪ ਵਿਚ ਕੀਤੀ ਜਾਂਦੀ ਹੈ। ਬਾਲੀਵੁੱਡ ‘ਚ ਇਨ੍ਹੀਂ ਦਿਨੀਂ ਵਿਆਹਾਂ ਦਾ ਸੀਜ਼ਨ ਚੱਲ ਰਿਹਾ ਹੈ। ਹਾਲ ਹੀ ਵਿੱਚ ਰੁਕਲ ਪ੍ਰੀਤ ਸਿੰਘ ਅਤੇ ਜੈਕੀ ਭਗਨਾਨੀ ਦਾ ਵਿਆਹ ਹੋਇਆ ਹੈ। ਇਹ ਵੀ ਕਿਹਾ ਜਾ ਰਿਹਾ ਹੈ ਕਿ ਪੁਲਕਿਤ ਸਮਰਾਟ-ਕ੍ਰਿਤੀ ਖਰਬੰਦਾ ਵੀ ਮਾਰਚ ‘ਚ ਵਿਆਹ ਕਰਨ ਜਾ ਰਹੇ ਹਨ। ਇਸ ਦੌਰਾਨ ਹੁਣ ਤਾਪਸੀ ਪੰਨੂ ਬਾਰੇ ਵੀ ਅਜਿਹੀ ਹੀ ਖਬਰ ਆ ਰਹੀ ਹੈ।

ਇੱਕ ਰਿਪੋਰਟ ਦੇ ਅਨੁਸਾਰ, ਤਾਪਸੀ ਅਤੇ ਉਸਦੇ ਬੁਆਏਫ੍ਰੈਂਡ ਮੈਥਿਆਸ ਬੋਏ ਨੇ ਵੀ ਵਿਆਹ ਕਰਨ ਦਾ ਫੈਸਲਾ ਕਰ ਲਿਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਦੋਵਾਂ ਦਾ ਵਿਆਹ ਅਗਲੇ ਮਾਰਚ ‘ਚ ਹੋਵੇਗਾ। ਇਹ ਪ੍ਰੋਗਰਾਮ ਉਦੈਪੁਰ ਵਿੱਚ ਹੋਵੇਗਾ। ਦੱਸਿਆ ਜਾ ਰਿਹਾ ਹੈ ਕਿ ਦੋਵੇਂ ਸਿੱਖ ਅਤੇ ਈਸਾਈ ਧਰਮਾਂ ਦੇ ਰੀਤੀ-ਰਿਵਾਜਾਂ ਮੁਤਾਬਕ ਵਿਆਹ ਕਰਨਗੇ। ਹਾਲਾਂਕਿ, ਇਸ ਸਬੰਧ ਵਿੱਚ ਤਾਪਸੀ ਜਾਂ ਉਸਦੇ ਬੁਆਏਫ੍ਰੈਂਡ ਮੈਥਿਆਸ ਵੱਲੋਂ ਅਜੇ ਤੱਕ ਕੁਝ ਨਹੀਂ ਕਿਹਾ ਗਿਆ ਹੈ।

ਰਿਪੋਰਟ ‘ਚ ਇਹ ਵੀ ਦੱਸਿਆ ਜਾ ਰਿਹਾ ਹੈ ਕਿ ਦੋਵਾਂ ਦਾ ਵਿਆਹ ਪਰਿਵਾਰ ਅਤੇ ਦੋਸਤਾਂ ਦੀ ਮੌਜੂਦਗੀ ‘ਚ ਹੀ ਹੋਵੇਗਾ। ਇਸ ਵਿਆਹ ‘ਚ ਬਾਲੀਵੁੱਡ ਦਾ ਕੋਈ ਵੀ ਵੱਡਾ ਸਿਤਾਰਾ ਸ਼ਾਮਲ ਨਹੀਂ ਹੋਵੇਗਾ। ਤੁਹਾਨੂੰ ਦੱਸ ਦੇਈਏ ਕਿ ਦੋਵੇਂ ਪਿਛਲੇ 10 ਸਾਲਾਂ ਤੋਂ ਇੱਕ ਦੂਜੇ ਨੂੰ ਡੇਟ ਕਰ ਰਹੇ ਹਨ। ਤਾਪਸੀ ਨੇ ਇੱਕ ਵਾਰ ਇੱਕ ਪੋਡਕਾਸਟ ਵਿੱਚ ਦੱਸਿਆ ਸੀ ਕਿ ਉਹ ਮੈਥਿਆਸ ਨੂੰ ਉਦੋਂ ਮਿਲੀ ਸੀ ਜਦੋਂ ਉਹ ਆਪਣਾ ਬਾਲੀਵੁੱਡ ਡੈਬਿਊ ਕਰ ਰਹੀ ਸੀ। ਮੈਥਿਆਸ ਬੋਏ ਡੈਨਮਾਰਕ ਦਾ ਨਿਵਾਸੀ ਹੈ। ਇੱਕ ਬੈਡਮਿੰਟਨ ਖਿਡਾਰੀ ਹੋਣ ਦੇ ਨਾਤੇ, ਉਹ ਇੱਕ ਓਲੰਪਿਕ ਤਮਗਾ ਜੇਤੂ ਅਤੇ ਯੂਰਪੀਅਨ ਚੈਂਪੀਅਨ ਹੈ। ਹਾਲਾਂਕਿ, ਉਹ ਸਾਲ 2020 ਵਿੱਚ ਰਿਟਾਇਰ ਹੋ ਗਿਆ ਸੀ।

ਹਾਲਾਂਕਿ, ਜੇਕਰ ਅਸੀਂ ਤਾਪਸੀ ਦੇ ਕਰੀਅਰ ਦੀ ਗੱਲ ਕਰੀਏ ਤਾਂ ਉਹ 2013 ਤੋਂ ਬਾਲੀਵੁੱਡ ਵਿੱਚ ਕੰਮ ਕਰ ਰਹੀ ਹੈ। ਉਨ੍ਹਾਂ ਦੀ ਪਹਿਲੀ ਹਿੰਦੀ ਫਿਲਮ ਚਸ਼ਮੇ ਬਦੂਰ ਸੀ। ਆਖਰੀ ਵਾਰ ਉਹ ਸ਼ਾਹਰੁਖ ਖਾਨ ਨਾਲ ‘ਡੰਕੀ’ ‘ਚ ਨਜ਼ਰ ਆਈ ਸੀ। ਇਹ ਫਿਲਮ ਦਸੰਬਰ 2023 ਵਿੱਚ ਰਿਲੀਜ਼ ਹੋਈ ਸੀ, ਜਿਸਨੇ ਦੁਨੀਆ ਭਰ ਵਿੱਚ 450 ਕਰੋੜ ਰੁਪਏ ਤੋਂ ਵੱਧ ਦੀ ਕਮਾਈ ਕੀਤੀ ਸੀ।